Իբրահիմովիչ. Չեմ վերադառնա Շվեդիայի հավաքական

PanARMENIAN.Net - «Մանչեսթեր Յունայթեդի» հարձակվող Զլատան Իբրահիմովիչը բացառել է Շվեդիայի հավաքական վերադառնալու հնարավորությունը, եթե թիմը մասնակցի ԱԱ-2018-ին:

«Ես չեմ մտածում Շվեդիայի հավաքականի կամ աշխարհի առաջնության մասին: Ինձ ավելի մտահոգում է իմ շուտափույթ վերադարձը: Ազգային թիմի հետ իմ պատմությունն ավարտված է: Գուցե, կարող էի ավելին անել հավաքականի համար, գուցե՝ ոչ, բայց այդ պատմությունն արդեն մոտենում է ավարտին»,-ասել է նա, հայտնում է eurosport-ը Sky Sport Italy-ի վրա հղումով:

Իբրահիմովիչն ասել է, որ լավ կլինի, եթե Շվեդիան մասնակցի աշխարհի առաջնությանը: «Հիմա, երբ ես թիմում չեմ, հավաքականի հանդեպ ճնշումը նվազել է, ակնկալիքներն ավելի քիչ են: Երբ ես թիմում էի, թիմից հաղթանակներ էին ակնկալում աշխարհի կամ Եվրոպայի առաջնությունում: Ինձ թվում է, առանց ինձ ամեն ինչ փոխվել է, թիմն առանց լարվածության է խաղղում, քանի որ կորցնելու բան չունի: Եթե ես իմ եսին տուրք տայի, կասեի, թե ինձ հետ Շվեդիան ավելի ուժեղ կլիներ, բայց հավաքականը լավ է խաղում: Թիմը երկրորդն է բարդ խմբում և շանս ունի մասնակցելու անցումային խաղերին»,-ասել է Իբրահիմովիչը:

Նոյեմբերի 10-ին Շվեդիան կխաղա Իտալիայի հետ առաջին անցումային խաղում: