Սվիտալսկի. ԵՄ-ն ՀՀ հետ վիզաները կազատականացնի մինչև 2020-ը

Սվիտալսկի. ԵՄ-ն ՀՀ հետ վիզաները կազատականացնի մինչև 2020-ը

PanARMENIAN.Net - ԵՄ երկրների հետ Հայաստանի վիզայի ռեժիմի ազատականացումը տեղի կունենա մինչև 2020 թվականը։ Այդ մասին լրագրողների հետ հանդիպմանն ասել է Հայաստանում ԵՄ պատվիրակության ղեկավար, դեսպան Պյոտր Սվիտալսկին։

Բայց դրա համար Հայաստանը նախ պետք է իրավական, վարչական և ինստիտուցիոնալ որոշակի կարգավորումներ իրականացնի, հայտգնում է «Sputnik Արմենիան»։

«Մենք և մեր գործընկերները կանենք ամեն բան, որ այդ համաձայնագիրը կյանքի կոչվի: Իհարկե, համաձայնագիրը շատ կարևոր է երկու կողմերի համար, բայց ոչ պակաս կարևոր է դրա լավ իրագործումը»,-ասել է Սվիտալսկին:

ԵՄ դեսպանը հույս է հայտնել, որ համաձայնագրի ստորագրումից և նոր ձևավորվող ՀՀ-ԵՄ հարաբերություններից ժամանակի ընթացքում օգուտ կքաղեն Հայաստանի բոլոր քաղաքացիները։

Անդրադառնալով գնահատականներին, թե համաձայնագրի ստորագրմամբ Հայաստանը կարող է կամուրջ դառնալ ԵՄ-ի և ԵՏՄ-ի միջև՝ Սվիտալսկին ասել է. «ԵՏՄ-ի անդամ պետությունների հետ այլ համաձայնագրեր ունենք, բայց Հայաստանի հետ համաձայնագիրը շատ ավելի հավակնոտ է, ավելի առարկայական, ավելի դրական։ ԵՄ-ն չի ցանկանում բաժանարար գծեր գծել Եվրոպայում։ Այո, իսկապես ուզում ենք կամուրջներ կառուցել մեր բոլոր գործընկերների հետ։ Հայաստանի դեպքում կամուրջի սկզբունքն իսկապես տրամաբանական է»։

Պյոտր Սվիտալսկին նաև ընդգծել է, որ համաձայնագիրը որևէ երրորդ կողմի դեմ ուղղված չէ։

Նոյեմբերի 24-ին Բրյուսելում, Արևելյան գործընկերության գագաթաժողովի ընթացքում Հայաստանը ստորագրեց ԵՄ-ի հետ «Համապարփակ և ընդլայնված գործընկերության համաձայնագիրը»։

 Ուշագրավ
Նա հավելել է, որ փաստացի, ադրբեջանական զինված ուժերը հայտնվել են ռուս խաղաղապահների թիկունքում
Նշվում է նաև, որ ներխուժած ադրբեջանական ստորաբաժանումները մարտի լույս 25-ի գիշեր կրակ են բացել
Դեսպանատան ոչ մեծ թվով աշխատակիցներ դիտարկել են ընտրությունները՝ որպես այցելուներ
Շրջանառության մեջ կդրվի սահմանագծման և սահմանազատման հիմնախնդիրներին վերաբերող ԱԺ հայտարարության նախագիծ
---