Պատգամավորները 11 անգամ ընդմիջման գնացին. Ինչու և ինչպես բորբոքվեցին կրքերն ԱԺ-ում21 դեկտեմբերի 2017 - 17:26 AMT PanARMENIAN.Net - ԱԺ արտահերթ նիստում «Ելք» խմբակցության պահանջով 10 անգամ և մեկ անգամ ՀՅԴ-ի պահանջով հայտարարվել է 20 րոպե ընդմիջում: Պատճառը «Ելք» խմբակցության՝ ՀՀԿ-ի հետ «Դատական օրենսգրքում փոփոխություններ կատարելու մասին» նախագծի քվեարկության շուրջ ծագած թեժ հակասությունն էր: ԱԺ կանոնակարգ օրենքի 63-րդ հոդվածի 3-րդ մասը թույլ է տալիս սահմանադրական օրենքների քվեարկության ժամանակ 20 րոպե ընդմիջում վերցնել: PanARMENIAN.Net ը ներկայացնում է, թե ինչու և ինչպես թեժացան խորհրդարանական կրքերը: Դեկտեմբերի 20-ին Ազգային ժողովի արտահերթ նիստում մթնոլորտը լարվեց, երբ քվեարկության դրվեց «Դատական օրենսգրքում փոփոխություններ կատարելու մասին» նախագիծը: «Ելք» խմբակցությունը հայտարարեց, որ դեմ է նախագծին: Խմբակցության ղեկավար Նիկոլ Փաշինյանը հորդորեց «Ծառուկյան» խմբակցությանը և նախագծին դեմ բոլոր պատգամավորներին չմասնակցել քվեարկությանը, և քվորում չլինելու պատճառով խոչընդոտել նախագծի ընդունումը: Նախագիծն այնուամենայնիվ դրվեց քվեարկության և չընդունվեց 61 կողմ, 0 դեմ, 0 ձեռնպահ ձայներով: Ընդդիմությունը ծափահարեց: Պարզվում է՝ չէր կարողացել քվեարկել ՀՀԿ-ական Ռուստամ Մախմուդյանը, ում և բացակայող Արփինե Հովհաննիսյանի ձայները գումարվեցին, և նախագիծը հավաքելով անցողիկ ձայներ, ընդունվեց 63 կողմով: ՀՀԿ-ական Մախմուդյանը բացատրեց, որ կոճակը չի աշխատել, այդ իսկ պատճառով էլ չէր կարողացել քվեարկել, ևս մեկ անգամ հայտարարեց, որ կողմ է նախագծին:«Ելք»-ի պատգամավորները սկսեցին գոռգոռալ տեղից: Արա Բաբլոյանն ասաց , որ Արփինե Հովհաննիսյանը բացակա է, բայց իր ձայնի իրավունքը փոխանցել էփաստաթղթով: «Ելք»-ը հայտարարեց՝ որոշումը չի ընդունվել, քվեարկությունը օրինական չէ: Արա Բաբլոյանը հորդորեց շարունակել քվեարկությունը` հայտարարելով որ նախագիծն առաջին ընթերցմամբ ընդունվել է, և հաջորդ հարցը դրվեց քվեարկության: «Ելք»–ի պատգամավորները սկսեցին բռունցքներով հարվածել սեղաններին: «Ելքը» լքեց նիստերի դահլիճը: «Գնում են, բարի ճանապարհ»,- ասաց Էդուարդ Շարմազանովը: Դեկտեմբերի 21-ին ԱԺ վերջին արտահերթ նիստը մեկնարկեց նախագծի շուրջ նախօրեին տեղի ունեցած միջադեպի քննարկմամբ: «Ելք» խմբակցության մի շարք պատգամավորներ հանդես եկան քննադատող ելությոներով: Տեսնելով, որ ԱԺ մեծամասնությունը տեղի չի տալիս նախագծի վերաբերյալ իրենց պնդումներին, ձգձգեց քվեարկությունն 10 անգամ: Վերջին 11-րդ ընդմիջումը պահանջեցՀՅԴ-ն: Վարման կարգով ձայն խնդրեց գեներալ, ՀՀԿ–ական պատգամավոր Սեյրան Սարոյանը: «Ալո... Սիրելի ժողովուրդ, Ազգային ժողով, արեք չկռվենք, դեմներս Նոր տարի է, Նիկոլ ջան, ապրես, վաղուց էսքան իրար չէինք տեսել, մեր գործը մինչև ժամը վեցն ա, ինչի՞ ենք կռվում՝ չգիտեմ: Պատգամավորի ելույթից հետո պատգամավորների մի մասը ծափահարեց: ԱԺ նախագահ Արա Բաբլոյանը 6-րդ գումարման երկրորդ նստաշրջանըհայտարարեց փակված: Հնչեց ՀՀ օրհներգը: Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի |