Երեւանում այսօր իր աշխատանքն է սկսել, ԱՊՀ երկրների, Բալթիայի, Կենտրոնական եւ Արեւելյան Եվրոպայի, Չիանաստանի 26 ազգային կազմակերպություններ միավորող, Ձեռնարկատերերի եւ արդյունաբերողների միջազգային կոնգրեսի ընդլայնված նիստը: Նիստի աշխատանքներին մասնակցելու նպատակով Երեւան են ժամանել ավելի քան 100 մասնակիցներ 20 երկրներից: Ամենաբազմամարդը` Ռուսաստանի պատվիրակությունն է` մոտ 50 հոգի: Նիստի մասնակիցները կծանոթանան Հայաստանի տնտեսության զարգացման հիմնական ուղղությունների եւ ոլորտների ներդրումային ծրագրերի հետ: Նախատեսված են երկկողմ եւ բազմակողմ հանդիպումներ համագործակցության ծրագրերի շուրջ, մի շարք ձեռնարկությունների եւ կազմակերպությունների այցելություններ: Սպասվում է պայմանագրերի եւ համաձայնագրերի ստորագրում: