Զեկույց. 2018-ին Հայաստանի ՀՆԱ աճը կկազմի 3-3,9%

1 փետրվարի 2018 - 18:24 AMT

PanARMENIAN.Net - 2018 թվականին Հայաստանի կանխատեսվող ՀՆԱ աճը կազմում է 3-3,9%: Բրիտանական Economist Intelligence Unit հետազոտական ընկերության հետխորհրդային տարածաշրջանի երկրներում տնտեսական աճի մասին ուսումնասիրությունների համաձայն՝ նույնքան կկազմի ՀՆԱ աճը նաև Ղազախստանում:

Տարածաշրջանում կանխատեսվող ամենաբարձր ՀՆԱ աճը կարձանագրվի Վրաստանում, Ղրղզստանում, Ուզբեսկտանում և Մոլդովայում՝ 4-6%:

Ռուսաստանի և Ադրբեջանի համար 2018-ին կանխատեսվում է 0-ից 0,9% ՀՆԱ աճ: 2-2,9% ՀՆԱ աճ է կանխատեսվում Ուկրաինայում:

Նշվում է, որ ՌԴ-ում շարունակելու է պահպանվել անբարենպաստ ներդրումային և գործարար միջավայրը, ինչպես նաև ֆինանսական համակարգը մնալու է խոցելի: Ուկրաինայում ՀՆԱ աճի վրա կազդեն բարեփոխումների բացակայությունն ու պողպատի գների անկումը:

Ըստ ՀՀ պետբյուջեի, ՀՆԱ աճը 2017-ին ծրագրված էր 3,2%, իսկ 2018-ին` 4,5%: Ըստ վերջին տվյալների, ՀԲ-ն տնտեսության աճ է կանխատեսում ՀՀ-ում 2017-ին մինչև 2.7%,ԱՄՀ-ն՝ մինչև 2.9%, Fitch-ը՝- 2.1%:

Հղումներ թեմայով.

Growth outlook for CIS countries in 2018