Ադրբեջանի նախագահ Հեյդար Ալիեւը դիմել է ԱՄՆ-ին կոչով` ամբողջովին վերացնել Ազատության աջակցման ակտի 907-րդ ուղղումը, որը արգելում էր Վաշինգտոնին ուղղակի օգնություն ցուցաբերել Ադրբեջանին: ԱՄՆ էներգետիկայի նախարար Սփենսեր Աբրահամի հետ հանդիպման ժամանակ Ալիեւը նշել է, որ Բաքվի համար դա քաղաքական հարց է: Նա ընդգծել է, որ աշխարհառազմավարական կարեւորություն ներկայացնող անվտանգության եւ կայունության հարցերում Ադրբեջանը ԱՄՆ օգնության եւ աջակցության կարիքն ունի: Ընդ որում, Ադրբեջանի նախագահը վստահություն է հայտնել, որ ԱՄՆ-ն կարեւոր նշանակություն է տալիս Կովկասի տարածաշրջանի խաղաղությանը: