Առանց փաստաթղթի ՀՀ-ում բնակվողները 50-100.000 դրամով կտուգանվեն 9 մարտի 2018 - 16:41 AMT PanARMENIAN.Net - Առանց վավերական արտոնագրի կամ կացության կարգավիճակի Հայաստանում բնակվող օտարերկրացիները կտուգանվեն 50.000-100.000 դրամ: Այս մասին իր ֆեյսբուքյան էջում գրել է ՀՀ ոստիկանության անձնագրային և վիզաների վարչության պետ, ոստիկանության գնդապետ Մնացական Բիչախչյանը: Հաշվի առնելով, որ «Վարչական իրավախախտումների վերաբերյալ» ՀՀ օրենսգրքի 201 հոդվածով նախատեսվող սանկցիան հարաբերական որոշակի է՝ նշված է նվազագույն և առավելագույն սահմանը, ԱՎՎ պետի հրամանով հստակ սահմանվել են չափորոշիչներ, որոնք թույլ են տալիս միատեսակ վարչարարություն կիրառել, ինչպես նաև զերծ մնալ կոռուպցիոն ռիսկերից։ Մեկ տարվա ընթացքում առաջին անգամ վերը նշված օրենքի 201 հոդվածի 1-ին մասի պահանջը խախտելու դեպքում տուգանք է նշանակվում 50.000 դրամի չափով: Վերջին մեկ տարվա ընթացքում այդ պահանջը խախտելու դեպքում, եթե օտարերկրացին օրինական բնակության ժամկետի ավարտից հետո ՀՀ-ում գտնվել է՝ մինչև 30 օր, կտուգանվի 60.000 դրամով, 31 օրից մինչև 60 օր՝ 70.000 դրամ, 61 օրից մինչև 90 օր՝ 80.000 դրամ, 91 օրից մինչև 120 օր՝ 90.000 դրամ, 121 օրից ավելի դեպքում՝ 100.000 դրամ։ ՀՀ օրենսգրքի 201 հոդվածի 1-ին մասով նախատեսված վարչական իրավախախտումը մեկ տարվա ընթացքում երեք և ավելի անգամ թույլ տալու դեպքում օտարերկրացին տուգանվում է 100.000 դրամի չափով։ Հղումներ թեմայով. Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը ՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը ՀՀ և Մալթայի ԱԳ նախարարները քննարկել են ԵԱՀԿ գործունեությանն ու Ադրբեջանի հետ կարգավորման զարգացումները Հայաստանի և Մալթայի ԱԳ նախարարներն անդրադարձել են տարածաշրջանային հարցերի Eurowings–ը Բեռլին-Երևան ուղղությամբ թռիչքներ է սկսել Չվերթերը կիրականացվեն շաբաթական մեկ չվերթ |