«Իրանը զարգացած քաղաքական ավանդույթներով երկրր է: Նման երկրներում քաղաքական ուղղվածությունը մեծապես կախված է ոչ թե առանձին քաղաքական գործիչների համակրանքից, նույնիսկ ամենաբարձրաստիճան, այլ ազգային մտածելակերպից եւ բնակչության մոտ այս կամ այն արտաքին քաղաքական գործընկերոջ հանդեպ բացասական կամ դրական վերաբերմունքի առկայությունից»,-PanARMENIAN.Net-ին տված հարցազրույցում հայտարարել է քաղաքագետ Լեւոն Մելիք-Շահնազարյանը` մեկնաբանելով Իրանում կայացած խորհրդարանական ընտրությունները: Նրա կարծիքով, ելնելով դրանից, Հայաստանը կարող է համոզված լինել` անկախ նրանից, թե որ կուսակցությունը կամ գաղափարախոսությունը կհաղթի Իրանում, Թեհրանի հարաբերությունները հայկական պետությունների հետ լրջորեն չեն փոխվի: Մեր բարիդրացիական հարաբերությունները ոչ միայն դարերի պատմություն ունեն, այլ նաեւ գոյատեւել են, ի տարբերություն բազում պետությունների, որոնք ժամանակ առ ժամանակ հայտնվում են մեր տարածաշրջանում վերաբնակեցումների ալիքների վրա»,-ասել է հայ քաղաքագետը:

Հարցազրույցի տեքստն ամբողջությամբ