Փաշինյան. Որտեղի՞ց Քոչարյանին Մարտի 1-ին ոստիկանների վրա կրակողների մասին տեղեկությունը 12 մարտի 2018 - 17:50 AMT PanARMENIAN.Net - ՀՀ երկրորդ նախագահ Ռոբերտ Քոչարյանը փորձում է շեղվել բուն թեմայից, մինչդեռ նա պետք է հստակ պատասխանի կոնկրետ հարցի՝ որտեղի՞ց իրեն այն տեղեկությունը, թե «Մարտի 1»-ին ցուցարարները դուրս էին գալիս մեքենայի հետևից, կրակում զինվորների վրա, ապա թաքնվում»: Այդ մասին հայտարարել է ԵԼՔ խմբակցության ղեկավար Նիկոլ Փաշինյանը՝ անդրադառնալով Ռոբերտ Քոչարյանի գրասենյակի հայտարարությանը, որի համաձայն Փաշինյանն է Մարտի 1-ի անկարգությունների գլխավոր սադրիչն ու կազմակերպիչը: ՀՀ երկրորդ նախագահ Ռոբերտ Քոչարյանի գրասենյակի ղեկավար Վիկտոր Սողոմոնյանը 2rd.am կայքին, անդրադառնալով Քոչարյանին Մարտի 1-ի գործով հարցաքննության կանչելու վերաբերյալ Փաշինյանի նախաձեռնությանը, հայտարարել է, որ Մարտի 1-ի անկարգությունների գլխավոր սադրիչն ու կազմակերպիչը Նիկոլ Փաշինյանն է: «Բոլոր հարցերի կոնտեքստում այս հարցը չպետք է մոռանանք: Սա Ռոբերտ Քոչարյանի հարցն է», - ասել է Փաշինյանը, հայտնում է «Ազատություն» ռադիոկայանը: «Իմ կարծիքով՝ այս մեկնաբանության բուն նպատակն այն է, որ փոխանակ մենք քննարկենք, թե ովքեր էին Մարտի 1-ին մեքենայի հետևից դուրս գալիս, կրակում և թաքնվում, քննարկենք բաներ, որոնք բազմիցս քննարկված են: Մարտի 1-ի իմ դերակատարումը եղել է հրապարակային, տասնյակ հազարավոր մարդկանց աչքի առաջ: Նույնիսկ իմ հեռախոսազանգերը գաղտնալսված և հրապարակված են», - նշել է նա: Անդրադառնալով այն դիտարկմանը, թե Քոչարյանին դուր չի եկել, որ Մարտի 1-ի թեմայով խորհրդարանական լսումներ են կազմակերպվել՝ Փաշինյանն արձագանքել է. «Ռոբերտ Քոչարյանին և Սերժ Սարգսյանին մոտակա ու հեռակա ապագայում դեռ այնքան բան դուր չի գա, բայց ես ասում եմ՝ մենք այս թեմայից չենք շեղվելու»: «Եթե որևէ մեկն ուզում է բացահայտել «Մարտի 1»-ի սպանություններն, ուրեմն պետք է Քոչարյանին տա այդ շատ կարևոր և պրիմիտիվ հարցը»,-հավելել է նա։ «Անկեղծ ասած, Փաշինյանի գործողությունները ինձ բացարձակապես չեն հետաքրքրում: Բայց, օգտվելով առիթից, ասեմ, որ իր «շնորհիվ» ականատես դարձա մեր նորագույն պատմության ամենացինիկ տեսարանի. Մարտի 1-ի անկարգությունների գլխավոր սադրիչն ու կազմակերպիչն Ազգային ժողովում Մարտի 1-ի գործով լսումներ էր կազմակերպել ու նստած ԱԺ նախագահի աթոռին՝ վարում էր նիստը»,-ասել էր Վիկտոր Սողոմոնյանը:  Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին   Ամենաընթերցվողը բաժնում |  Վերջին լուրեր Վրաստանի խորհրդարանն ընդունել է «օտարերկրյա գործակալների մասին» օրենքը․ Զուրաբիշվիլին ասել է՝ վետո կդնի  Վրաստանը պետք է կատարի ընտրություններում՝ Եվրոպա կամ Ռուսաստան», - ընդգծել է ԶուրաբիշվիլինTeam-ը՝ Թումոյի գլխավոր տեխնոլոգիական գործընկերը ՀՀ-ում Ընկերությունը 50% զեղչով ինտերնետ կտրամադրի Հայաստանում գործող և հետագայում բացվող Թումո կենտրոններինԿոնգրեսում կոչ են արել $200 մլն հատկացնել ԼՂ-ից տեղահանվածներին և օգնել ՀՀ–ին պաշտպանվել Ադրբեջանի ագրեսիայից Նրանք նաև կոչ են արել դադարեցնել Ադրբեջանին ցանկացած ռազմական օգնությանՈստիկանները փակել են Կիրանցի ճանապարհը․ Բագրատ Սրբազանին ևս չեն թողնում գյուղ մտնել Սրբազանն, անդրադառնալով վարչապետի հարցազրույցին, ասել է, թե վերջինս «ծայրից ծայր սուտ է ասում» |
