Մարիամ Պետրոսյանի վեպը՝ XXI դարի 10 ամենաընթերցվող գրքերի շարքում23 մարտի 2018 - 14:55 AMT PanARMENIAN.Net - Գրող և նկարիչ Մարիամ Պետրոսյանի հետմոդեռնիստական ֆանտաստիկ «Տունը, որտեղ…» («The Gray House») ռուսալեզու վեպը ընդգրկվել է XXI դարի 10 ամենաընթերցվող գրքերի շարքում: Մարիամ Պետրոսյանից բացի ցանկում ընդգրկվել են Ջորջ Մարտինի «Սառույցի և կրակի երգը» վիպաշարը, Սթիվեն Քինգի «11/22/63»-ը, Գրեգորի Դևիդ Ռոբերտսի «Շանթարամը», Կորմակ Մաքքարթիի «Ճանապարհը» և այլ ստեղծագործություններ: «Մարիամ Պետրոսյանը սկսել է գրել գիրքը դեռ մանկության տարիներին, աստիճանաբար ստեղծելով գլխավոր հերոսներին նկարների և տառերի օգնությամբ: Ձեռագրի վերջնական տարբերակը պատրաստ էր 1998-ին, իսկ հրապարակվեց այն միայն 10 տարի անց: Գիրքը նկարագրում է հաշմանդամ երեխաների կյանքը հատուկ գիշերօթիկ դպրոցում, որը կոչվում է՝ Տուն: Տունը դա ուղղակի գիշերօթիկ չէ, դա մի առանձին մոլորակ է, լի իր գաղտնիքներով ու հանելուկներով»,-գրում է Մարիամ Պետրոսյանի վեպի մասին ռուսաստանյան Fraufluger հանդեսը: Բեսթսելերների ցանկը կազմվել է ըստ վաճառքի ծավալների մասին տվյալների և գրական պարգևների: Մարիամ Պետրոսյանը ծնվել է Երևանում, ավարտել է Թերլեմեզյանի անվան գեղարվեստի ուսումնարանը՝ «նկարիչ-ձևավորող» մասնագիտությամբ։ 1989 թ. աշխատանքի է ընդունվել «Հայֆիլմում», մուլտիպլիկացիայի բաժնում։Երկու տարի աշխատել է Մոսկվայում՝ «Սոյուզմուլտֆիլմում»։ Վերադարձել է Հայաստան, 1995-2007 թթ. աշխատել է «Հայֆիլմում»։ «Տունը, որտեղ...»-ը գրողի առաջին գիրքն է, որի վրա աշխատել է շուրջ տասնութ տարի՝ 1991 թ.-ից մինչև գրքի հրատարակումը՝ 2009 թ.։ Հղումներ թեմայով. Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը ՀՀ և Մալթայի ԱԳ նախարարները քննարկել են ԵԱՀԿ գործունեությանն ու Ադրբեջանի հետ կարգավորման զարգացումները Հայաստանի և Մալթայի ԱԳ նախարարներն անդրադարձել են տարածաշրջանային հարցերի Eurowings–ը Բեռլին-Երևան ուղղությամբ թռիչքներ է սկսել Չվերթերը կիրականացվեն շաբաթական մեկ չվերթ Ադրբեջանում ԱՄՆ դեսպանը՝ Շուշի չայցելելու մասին․ Դեռևս պատրաստ չեմ Նա մտահոգիչ է անվել մամուլի և քաղհասարակության ճնշումները՝ հավելելով, որ դա «տասնամյակներով հետ կշպրտի Ադրբեջանը» |