YouTube-ի կենտրոնական գրասենյակում կրակ բացած կինն ինքնասպան է եղել

YouTube-ի կենտրոնական գրասենյակում կրակ բացած կինն ինքնասպան է եղել

PanARMENIAN.Net - YouTube ընկերության կենտրոնակայանում, որը գտնվում է Կալիֆորնիայի Սան Բրունո քաղաքում, մի կին կրակ է բացել աշխատակիցների վրա, իսկ հետո ինքնասպան եղել:

KRON 4 հեռուստաալիքի աղբյուրը ոստիկանությունում հայտնել է, որ կինը, որի անունը չի հրապարակվում, կրակել է իր ընկերոջ ուղղությամբ, և ենթադրաբար, վիրավորել է նրան: Ըստ նախնական տեղեկատվության, միջադեպը տեղի է ունեցել համալիրի տարածքում գտնվող սրճարանի մոտ, հայտնում է ՌԲԿ-ն Reuters-ի վրա հղումով:

Միջադեպի հետևանքով ևս մի քանի մարդ է վիրավորվել, որոնք տեղափոխվել են մոտակա հիվանդանոցներ:

Ընդհանուր առմամբ, 4 մարդ է տուժել:

Սան Բրունոյում ստեղծված իրավիճակն արդեն մեկնաբանել է ԱՄՆ նախագահ Դոնալդ Թրամփը: «Մենք աղոթում ենք Սան Բրունոյում տուժածների համար»,-գրել է նախագահը:

 Ուշագրավ
2020 թվականի օգոստոսից Թուրքիայից Ադրբեջան պաշտպանական և ավիացիոն միջոցների արտահանման ծավալները խիստ աճել են
Գինը վերջնական չէ, բանակցություններն ընթանում են։
Պատվաստված կամավորները կորոնավիրուսի դեմ իմունիտետ են ձեռք բերել
Նա նշել է, որ ԱԳ նախարար Էլմար Մամեդյարովը որևէ կերպ չի արձագանքել հուլիսի 12-ին իրադարձություններին