Հյուսիսային Կորեան պատրաստ է քննարկել միջուկային զենքից հրաժարվելու հնարավորությունը

Հյուսիսային Կորեան պատրաստ է քննարկել միջուկային զենքից հրաժարվելու հնարավորությունը

PanARMENIAN.Net - Հյուսիսային Կորեայի իշխանություններն առաջին անգամ հայտարարել են, որ պատրաստ են Վաշինգտոնի հետ քննարկել Կորեական թերակղզում միջուկային զենքից ազատ գոտու ստեղծման հնարավորությունը: Ենթադրվում է, որ այդ հարցը կքննարկվի ԱՄՆ և Հյուսիսային Կորեայի նախագահներ Դոնալդ Թրամփի և Կիմ Չեն Ինի հանդիպմանը, որը կարող է կայանալ մայիսին:

Ըստ Reuters-ի աղբյուրի, Հյուսիսային Կորեայի այդ զիջման մասին հաջողվել է պայմանավորվել երկու երկրների գաղտնի բանակցություններում: Այդպիսով հեռացվել է առաջնորդների հնարավոր հանդիպման գլխավոր խոչընդոտը, գրում է Deutsche Welle-ն:

Վերջին ամիսներին Փհենյանը միջազգային շփումների պատրաստակամության նշաններ է ցույց տալիս: Ապրիլի 27-ին պետք է կայանա Հյուսիսային և Հարավային Կորեաների ղեկավարներ Կիմ Չեն Ինի և Մուն Չժե Ինի մասնակցությամբ հանդիպումը՝ սահմանամերձ Փհանմունջում: Հարավային Կորեայի պտավիրակությունը կղեկավարի միավորման նախարարը, իսկ հյուսիսկորեականը՝ խաղաղ միավորման կոմիտեի նախագահը: Յուրաքնաչյուր պատվիրակությունում 3-ական անդամ կլինի:

 Ուշագրավ
Ընտրությունները կայանալու էին նոյեմբերին, ինչը կհամընկներ Բաքվում կայանալիք COP29–ին հետ
Ըստ Յուսուբովի, այդ մարդիկ պետկառույցների աշխատակիցներ են և գործարարներ
Կողմերը քննարկելու են նաև համագործակցությունը նավթագազային ոլորտում
Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում
---