Պետական բյուջեից 452,7 մլն դրամ կտրամադրվի աղետի գոտու բնակավայրերում երկրաշարժի հետևանքով անօթևան մնացած ընտանիքների բնակարանային խնդիրների լուծմանը: Համապատասխան որոշման նախագիծը տեղադրված է իրավական ակտերի հրապարակման միասնական կայքում:

Ծրագրի շահառու է ճանաչվել Լոռու մարզի գյուղական բնակավայրերում կիսակառույց բնակելի տներ ունեցող 44 ընտանիք:

Ուղղակի ֆինանսական աջակցությունը կտրամադրվի շահառուներին կառուցապատողի հետ պայմանագրի կնքման օրվան հաջորդող մեկ տարվա ընթացքում: Միջոցները կուղղվեն շահառուների կիսակառույց բնակելի տների շինարարական աշխատանքների կատարմանը: