Արմեն Սարգսյանը մտադիր է առաջին պաշտոնական այցով Մոսկվա մեկնել

Արմեն Սարգսյանը մտադիր է առաջին պաշտոնական այցով Մոսկվա մեկնել

PanARMENIAN.Net - Հայաստանի նորընտիր նախագաh Արմեն Սարգսյանը մտադիր է առաջիկայում Մոսկվա այցելել: Այս մասին ռուսաստանյան «ՏԱՍՍ» գործակալությանը հայտնել է ինքը՝ Սարգսյանը:

«Բնականաբար, շատ հետաքրքրված եմ առաջիկայում Մոսկվա այցելել որպես ՀՀ նախագահ: Ավանդաբար Հայաստանի ղեկավարներն առաջին պաշտոնական այցը Մոսկվա են կատարում: Առայժմ հստակ ժամկետներ չկան», - ասել է նախագահը:

Նա նշել է, որ որպես ՀՀ նախագահ իր պարտականությունն է համարում զարգացնել հայ-ռուսական ռազմավարական հարաբերությունները: Սարգսյանը նաև հաջողություն է մաղթել ՌԴ նորընտիր նախագահ Վլադիմիր Պուտինին միջազգային հարթակում, երկրի տնտեսության հետագա զարգացման և քաղաքացիների բարեկեցության ապահովման գործում:

Ապրիլի 9-ին նախագահ Արմեն Սարգսյանը երդվել է՝ ձեռքը դնելով Հայաստանի Հանրապետության Սահմանադրության մայր օրինակին և Վեհամոր ավետարանին:

Նախագահի երդմնակալությունից հետո կառավարությունը հրաժարական կտա, մինչև ապրիլի 17-ը ԱԺ-ում կառաջադրվեն վարչապետի թեկնածուներ և տեղի կունենա վարչապետի ընտրությունը:

 Ուշագրավ
Փետրվարի 1–ից ՀՀ–ն պաշտոնապես միացել է Հաագայի Միջազգային քրեական դատարանին
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
Ալեյնիկն ասել է, որ հաջողվել է համաձայնեցնել գրեթե բոլոր փաստաթղթերը
---