Սևանից ոռոգման համար 170 մլն խմ ջուր բաց կթողնվի

11 ապրիլի 2018 - 18:24 AMT

PanARMENIAN.Net - 2018-ին ոռոգման նպատակով Սևանա լճից 170 մլն խ/մ ծավալով ջրառ կիրականացվի: Համապատասխան որոշման նախագիծն ընդգրկված է կառավարության ապրիլի 12-ի նիստի օրակարգում:

Հիմնավորման մեջ նշվում է, որ ընթացիկ տարում ոռոգման ջրի պահանջարկը կազմում է 482 մլն խմ: Ջրի այս պահանջարկը նախատեսվում է ապահովել Հրազդան գետից 156 մլն խմ, Ազատի ջրամբարից՝ 31 մլն խմ, Ապարանի ջրամբարից՝ 11,5 մլն խմ ջրաքանակներով:

Նշվում է , որ արդյունքում գոյանում է 283,5 մլն խմ ջրի դեֆիցիտ, որից 170 միլիոն խմ-ն առաջարկվում է լրացնել Սևանի ջրի հաշվին: Սա Սևանա լճի մասին օրենքով նախատեսված ջրառի առավելագույն չափաքանակն է:Լճից բաց թողնվող ջուրն անհրաժեշտ է մոտ 39.000 հեկտար պայմանագրային ոռոգվելիք հողատարածքների ոռոգման համար: Դրանք գտնվում են Սևան-Հրազդան էներգետիկ-ոռոգման համակարգից սնվող ոռոգման համակարգերի տակ:

Վերջին 10 տարում Սևանա լիճը 3 անգամ բացասական հաշվեկշիռ է ունեցել:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով