Դուրով. Telegram-ը կօգտագործի արգելափակումը շրջանցող ներկառուցված մեթոդները

13 ապրիլի 2018 - 17:26 AMT

PanARMENIAN.Net - Telegram-ի հիմանդիր Պավել Դուրովը դիմել է իր մեսենջերի օգտատերերին, որն, ինչպես հայտնի է, ապրիլի 13-ին արգելափակվել է ՌԴ տարածքում դատարանի կողմից:

Նա խոստացել է, որ Telegram-ը կօգտագործի արգելափակումը շրջանցող ներկառուցված մեթոդները, որոնք օգտատերերից լրացուցիչ գործողություններ չեն պահանջում: Նա չի երաշխավորել ծառայության 100 տոկոսանոց մատչելիությունն առանց VPN-ի: Նա նաև զգուշացրել է, որ արգելափակման առաջին ժամերին կողմնակի VPN/Proxy ծառայությունները կարող են գերծանրաբեռնվել և ավելի դանդաղ աշխատել, գրում է Meduza-ն:

Մեկնաբանելով իր տելեգրամ ալիքում Telegram-ի արգելափակումը՝ նա հայտարարել է, որ գաղտնիությունը համացանցում չի վաճառվում, իսկ մարդու իրավունքները չպետք է հեղինակազրկվեն վախից կամ ագահությունից դրդված: «Մի հեռացրեք և մի վերբեռնեք Telegram-ը, եթե խնդիրներ են առաջանում կապի հետ: Աշխատաեք ժամանակին ներբեռնել Telegram-ի թարմացումները AppStore-ում կամ Google Play»,- գրել է Դուրովը:

Մոսկվայի Տագանսկի շրջանի դատարանը բավարարել է «Ռոսկոմնադզորի» հայցը Ռուսաստանում Telegram մեսենջերն արգելափակելու մասին:

Հղումներ թեմայով.

Meduza: Павел Дуров: Telegram будет использовать встроенные методы обхода блокировок, которые не требуют действий от пользователей