Կարապետյան․ Կդիմեմ դատախազին՝ պատգամավորների ձերբակալման միջնորդությունն ԱԺ-ից հետ կանչելու համար

Կարապետյան․ Կդիմեմ դատախազին՝ պատգամավորների ձերբակալման միջնորդությունն ԱԺ-ից հետ կանչելու համար

PanARMENIAN.Net - Առաջին փոխվարչապետ Կարեն Կարապետյանը հայտարարել է, որ դիմելու է գլխավոր դատախազին՝ ընդդիմադիր պատգամավորներ Նիկոլ Փաշինյանի, Սասուն Միքայելյանի ու Արարատ Միրզոյանի ձերբակալման միջնորդությունն ԱԺ-ից հետ կանչելու համար։

Դրա հետևանքով պատգամավորներն ազատ են արձակվելու։

Կարապետյանը հայտնել է նաև, որ հանդիպելու է Նիկոլ Փաշինյանին՝ ստեղծված իրավիճակի լուծումը գտնելու համար։

Հայաստանում 11-րդ օրն անընդմեջ ցուցարարները պայքարում են Սերժ Սարգսյանի վարչապետության դեմ։ Ապրիլի 22-ի առավոտյան Սերժ Սարգսյանի և Նիկոլ Փաշինյանի միջև կարճատև զրույց է կայացել։ Փաշինյանն ասել է, որ պատրաստ է քննարկել միայն Սարգսյանի հրաժարականի ու անցնցում հեռանալու պայմանները, վարչապետը դա շանտաժ է որակել ու ասել, որ Փաշինյանը Մարտի 1-ից դասեր չի քաղել։ Ի պատասխան Փաշինյանն ասել է, երկրում վիճակն այնպիսին չէ, ինչպես 15 օր առաջ, հայտարարել, որ իշխանությունը ժողովրդինն է։ «Ժողովրդի անունից 7-8 տոկոս հավաքած խմբակցությունը չի կարող խոսել, եթե չեք ուզում կատարել պետության օրինական պահանջը՝ ցտեսություն», - պատասխանել է Սարգսյանը և հեռացել։

Դրան հետևած ցույցի ընթացքում պատգամավորներ Փաշինյանը, Միքայելյանը, Միրզոյանը ձերբակալվել են։

 Ուշագրավ
Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
---