Ոստիկանությունը հայտարարություն է տարածել, որտեղ հիշեցրել է, որ կառույցն ապաքաղաքական է և չի հարում ու չի կարող հարել այս կամ այն շարժումների ու քաղաքական միավորների:
«Ոստիկանությունը պետության հիմնասյուներից է, պետականության, երկրի կայունության ու ներքին անվտանգության երաշխավորը և գործում է օրենքներով ու օրենքի շրջանակում։ Ոստիկանությունը և ոստիկանության պետը չեն մտնում քաղաքական գործընթացների մեջ և չեն կարող սատարել որևէ կողմի»
Ոստիկանությունը կոչ է արել առաջնորդվել բացառապես իրավական ու տրամաբանական այս իրողություններով և «մտացածին ինչ-որ բանակցությունների ու պայմանավորվածությունների մասին լուրերով չապակողմնորոշել ու թյուրիմացության մեջ չգցել հանրությանը»։