Պեսկով. Փաշինյան-Ալիև հանդիպման մասին խոսելը դեռ վաղ է

Պեսկով. Փաշինյան-Ալիև հանդիպման մասին խոսելը դեռ վաղ է

PanARMENIAN.Net - ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի հանդիպումը Մոսկվայում նրանց առաջին ծանոթությունն էր, հետագա շփումների մասին խոսելը վաղաժամ է: Այդ մասին հայտարարել է ՌԴ նախագահի մամուլի քարտուղար Դմիտրի Պեսկովը:

«Վաղաժամ է այդ մասին խոսելը, դա նրանց առաջին հանդիպումն էր: Ուստի դեռևս վաղաժամ է խոսել ինչ-որ շարունակության մասին»,-ասել է Պեսկովը՝ պատասխանելով եռակողմ կամ երկկողմ ձևչափով ՀՀ և Ադրբեջանի ղեկավարների հնարավոր հանդիպման մասին հարցին, հայտնում է ՌԻԱ Նովոստին:

Ավելի վաղ ՀՀ վարչապետ Նիկոլ Փաշինյանն իր ֆեյսբուքյան հեռարձակման ժամանակ հայտնել էր, որ Մոսկվայում ՌԴ նախագահ Վլադիմիր Պուտինը ծանոթացրել է իրեն Ադրբեջանի նախագահ Իլհամ Ալիևի հետ:

Վլադիմիր Պուտինը հունիսի 14-ին Մոսկվայում փոքր ընդունելություն էր կազմակերպել ԱՊՀ երկրների ղեկավարների համար, որոնք ժամանել էին մասնակցելու ֆուտբոլի ԱԱ-2018-ի բացմանը: «Այդ շրջանակում նա ինձ ծանոթացրեց Իլհամ Ալիևի հետ: Տեղի ունեցավ, այսպես ասած, ծանոթության արարողություն: Որևէ զրույց չի եղել, որևէ թեմա չի քննարկվել»,-ասել է վարչապետը:

 Ուշագրավ
Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
---