Ցեղասպանության հուշահամալիրի Անմար կրակը հանգել է հորդառատ աձրևից

Ցեղասպանության հուշահամալիրի Անմար կրակը հանգել է հորդառատ աձրևից

PanARMENIAN.Net - Հունիսի 20-ին հորդառատ անձրևի հետևանքով հանգել է Հայոց ցեղասպանության զոհերի հուշահամալիրի Հավերժական կրակը: Այս մասին ֆեյսբուքյան իր էջում գրել է Հայոց ցեղասպանության թանգարան-ինստիտուտի տնօրեն Հայկ Դեմոյանը:

«Բարեբախտաբար հնարավոր եղավ խուսափել արտակարգ իրավիճակից՝ անձնակազմի արագ ու անձնուրաց գործողությունների շնորհիվ», - գրել է նա:

Ցեղասպանության հուշահամալիրը կառուցվել է 1967-ին։ Ամեն տարի ապրիլի 24-ին հարյուր հազարավոր հայեր և օտարազգիներ այցելում են այստեղ և ծաղիկներ խոնարհում Հավերժական կրակի մոտ՝ հարգանքի տուրք մատուցում 1915 թվականին Օսմանյան կայսրության իրագործած Հայոց Ցեղասպանության զոհերի հիշատակին։

Հուշահամալիրի Հիշատակի դահլիճը կազմված է բազալտե տասներկու թեքադիր մույթերից, որի կենտրոնում զոհերի հիշատակի Հավերժական կրակն է:

 Ուշագրավ
Վարչապետ Նիկոլ Փաշինյանը կոչով դիմել է վերջին մեկ տարվա ընթացքում զորացրված հայ երիտասարդներին
Ադրբեջանական կողմի տեղեկությունը չի համապատասխանում իրականությանը
Հիվանդանոցներում այժմ բուժվողների առողջական վիճակը գնահատելուց հետո կապահովվի վերջիններիս դուրսգրումը
Օրենքով ընդլայնվում են նաև մայրիկների իրավունքները