ՀՀ-ն դեմ է քվեարկել Մերձդնեստրի հարցով հակառուսական բանաձևին

ՀՀ-ն դեմ է քվեարկել Մերձդնեստրի հարցով հակառուսական բանաձևին

PanARMENIAN.Net - ՀՀ-ն դեմ է քվեարկել ՄԱԿ-ի Գլխավոր ասամբլեայի ընդունած բանաձևին, որով կոչ է արվում անմիջապես և ամբողջովին դուրս բերել խաղաղապահ ուժերի կազմում գտնվող ռուսական ստորաբաժանումները Մերձդնեստրից: Այս մասին հայտնում է Aysor.am-ը:

Բանաձևն ընդունվել է. կողմ է քվեարկել 64 երկիր: Դեմ քվեարկած 15 երկրի շարքում են եղել նաև Բելառուսը, Կուբան, Իրանը, Նիկարագուան, Սիրիան և Վենեսուելան և այլն։ 83 երկիր ձեռնպահ են եղել:

Բանաձևի նախագիծը մշակվել է Մոլդովայի կողմից Վրաստանի, Կանադայի, Լատվիայի, Լիտվայի, Ռումինիայի, Ուկրաինայի և Էստոնիայի հետ համատեղ: Դրա կողմնակիցների թվում էին ԵՄ երկրների մեծ մասը, այդ թվում` Ավստրիան, Բելգիան, Դանիան, Գերմանիան, Հունաստանը, Իտալիան, Իսպանիան, Լեհաստանը, Պորտուգալիան և այլն, նաև ԱՄՆ-ն ու Կանադան:

Մերձդնեստրը ինքնահռչակ մոլդովական պետություն է: Այն սահմանակցում է Արևելյան Մոլդովային և Ուկրաինային։

 Ուշագրավ
Մանուկյանը հայտնել է, թե իրենք առաջիկայում մարզեր կայցելեն, իսկ մարտի 6-ին մեծ հանրահվաք կանեն
Մարուքյանն ասել է՝ չի վստահում վարչապետի խոսնակին ու իրենց հայտարարություններին
Հանդիպման նախաձեռնողը ՀՀ նախագահն է