Հրազդանի ավագանին ընդունել է քաղաքապետի հրաժարականը. Նա կհեռանա իր թիմի հետ
Հրազդան քաղաքի ավագանու նիստում հուլիսի 2-ին միաձայն ընդունվել է ավելի քան 15 տարի քաղաքը ղեկավարող՝ ՀՀԿ անդամ Արամ Դանիելյանի հրաժարականը:
Արամ Դանիելյանը հուլիսի 2-ին ավագանու արտահերթ նիստ է հրավիրել:
Դանիելյանն ասել է, որ իշխանությունից հեռանում է իր թիմի հետ և կարծում է, որ Հրազդանը պետք է ղեկավարի վարչապետ Նիկոլ Փաշինյանի ՔՊ կուսակցության երիտասարդ ներկայացուցիչը, հայտնում է «Ազատություն» ռադիոկայանը:
Արամ Դանիելյանը ստանձնել էր Հրազդանի քաղաքապետի պաշտոնը 2002 թվականին:
