WhatsApp-ը կսահմանափակի հաղորդագրությունները միանգամից մի քանի չաթ ուղարկելու գործառույթը20 հուլիսի 2018 - 15:58 AMT PanARMENIAN.Net - WhatsApp-ը կսահմանափակի հաղորդագրությունները միանգամից մի քանի չաթ ուղարկելու գործառույթը: Այդ մասին ասվում է ծառայության բլոգում: Սահմանափակումը կվերաբերի բոլոր օգտատերերին, սակայն, առավելապես, Հնդկաստանի բնակիչներին: «Մենք սկսել ենք հաղորդագրությունների ուղարկման սահմանափակման փորձարկումները, որը կվերաբերի մեսենջերի բոլոր օգտատերերին: Հնդկաստանում, որտեղ մարդիկ ավելի շատ հաղորդագրություններ են ուղարկում, քան ցանկացած այլ երկրում, կփորձարկենք ստորին շեմը՝ միանգամից 5 չաթի ուղղությամբ, և կվերացնենք հաղորդագրություններ արագ ուղարկելու կոճակը»,-սսվում է բլոգում: Ընկերությունում նշել են, որ այդ փոփոխությունները թույլ կտան «պահպանել WhatsApp-ն» այնպիսին, ինչպիսին այն մշակվել է՝ որպես հավելված անձնական հաղորդագրությունների համար, գրում է «Վեդոմոստին»: Ավելի վաղ WhatsApp-ը սկսել էր նշել փոխանցված հաղորդագրությունները:«Նշման շնորհիվ դուք կկարողանաք հասկանալ, իրոք հաղորդագրությունը ձեր ընկերը կամ բարեկամն է գրել, թե ձեզ փոխանցվել է մեկ այլ անձի գրած հաղորդագրություն»,-պարզաբանել է ընկերությունը: Ընկերությունը նման որոշում է կայացրել Հնդկաստանի իշխանությունների կողմից խիստ քննադատությունից հետո: Պատճառը բռնության այն ալիքն է, որը սկսվեց երկրում WhatsApp-ի միջոցով տարածված լուրերի պատճառով: Հուլիսի սկզբին հնդիկների մի խումբ ինքնադատաստան տեսավ Մահարաշտրա նահանգում՝ սպանելով 5 մարդու, որոնք, իբր, մեղսակից են երեխաների առևտրին: Նրանց մեղավորության մասին լուրը տարածվել էր WhatsApp-ով՝ միմյանց հաղորդագրություններ ուղարկելու միջոցով: Հնդկաստանի կառավարությունը դիմել էր Facebook ընկերությանը, որին պատկանում է մեսենջերը, և պահանջել միջոցներ ձեռնարկել, որ սադրիչ տեղեկատվությունը չտարածվի: Ուշագրավ Այդ մասին նա գրել է ֆեյսբուքյան իր էջում Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ըստ Քերոբյանի, առնվազն 20 մլրդ դրամ հարկ կհավաքվի Ամենաընթերցվողը բաժնում | Մեկնարկել են Երևան-Նիցցա թռիչքները Չվերթերը կիրականացվեն շաբաթական 2 անգամ Կոլումբիան խզում է հարաբերություններն Իսրայելի հետ Գազայի հատվածի շրջափակումը այդ երկրի նախագահը «ցեղասպանություն» է անվանել ՀՀ և Ուկրաինայի ԱԳ նախարարները հեռախոսազրույցում անդրադարձել են տարածաշրջանային հարցերի Միրզոյանն ընդգծել է սահմանազատման գործընթացում տարածքային ամբողջականության սկզբունքի անվերապահ հարգման կարևորությունը ԳԹԿ. Դիմորդները դուրս կմնան մրցույթից, եթե չհայտագրվեն ու չընտրեն բուհ և մասնագիտություն Հունվար-փետրվարին քննություն հանձնած 8000–ից ավելի շրջանավարտներից 6000-ը դեռ հայտագրում չի կատարել |