«Իմ քայլը» հիմնադրամը «Լույսի» 18 շահառուի պակասող կրթաթոշակը կապահովի 7 օգոստոսի 2018 - 13:05 AMT PanARMENIAN.Net - «Իմ քայլը» հիմնադրամը «Լույս» հիմնադրամի շահառուներից 18 հոգու կարողացել է ապահովել պակասող կրթաթոշակով: Այդ մասին լրագրողների հետ հանդիպմանն ասել է ՀՀ վարչապետի տիկին Աննա Հակոբյանը։ «Հուսամ՝ նրանք հաջողությամբ կգնան իրենց դասերին»,- ասել է նա, հայտնում է Aysor.am-ը։ Աննա Հակոբյանը շնորհակալություն է հայտնել «Վիտալի Գրիգորյանց» հիմնադրամին, որի հետ համագործակցության արդյունքում է հաջողվել հասնել արդյունքի։ «222,000 դոլար ներդրում կատարեցին իրենք այս գործին»,-ասել է ՀՀ վարչապետի տիկինը։ Նա նաև շնորհակալություն է հայտնել «Հայ բարեգործական ընդհանուր միությանը»՝ 200,000 դոլարի ներդրման համար, Վան Լափոյան կանադահայ գործարարին, որը 70,000 դոլարի չափով էր նվիրատվություն է արել։ Աննա Հակոբյանն ասել է, որ ունեցել են նաև անանուն բարերար, որը չի ցանկացել իր անունը հնչի։ «Ընդհանուր առմամբ, 517,000 դոլարի ներդրում է եղել հիմնադրամի հաշվին»,-ասել է նա։ Աննա Հակոբյանն նշել է, որ այս ամենն արվել է արտակարգ պայմաններում։«Իմ քայլը» հիմնադրամը չի կարող այս ճանապարհով լուծում տալ այն խնդրին, որի առաջ կանգնած ենք եղել, մենք սկսել ենք քննարկում ՀԲԸՄ-ի հետ, ինչպես նաև շատ այլ շահագրգիռ կողմերի հետ քննարկումներ կանցկացնենք, որպեսզի հասկանանք՝ ինչպես պետք է այս հարցը հիմնավոր լուծում ստանա»,-ասել է Հակոբյանը։ 2018-ի մայիսին ՀՀ երրորդ նախագահ, «Լույս» հիմնադրամի հիմնադիր Սերժ Սարգսյանը նամակ էր հղել «Լույս» հիմնադրամի աշխատակազմին ու կրթաթոշակառուների համայնքին՝ նշելով, որ ընթացիկ ծրագրերի ծավալներն օբյեկտիվորեն կրճատվելու են, իսկ ոչ կրթաթոշակային ծրագրերը` հիմնականում դադարեցվելու «ի նպաստ նոր ուղղություններով իրականացվելիք այլ ծրագրերի»։ «Լույսը» ստեղծվել է 2009-ին։ Այս տարիների ընթացքում աշխարհի առաջատար 10 բուհում ՀՀ-ն ունեցել է մոտ 570 կրթաթոշակառու գրեթե բոլոր գիտական ճյուղերում` տեսական ֆիզիկայից մինչև միջազգային հարաբերություններ։ Ուշագրավ Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամենաընթերցվողը բաժնում | Ալիևը կրկին Զանգեզուրի միջանցք է պահանջում․ «ՀՀ–ն չի կարող հրաժարվել եռակողմ հայտարարության այդ դրույթից» «Այնտեղ գրված է, որ պետք է տրանսպորտային հաղորդակցություն լինի, որը հսկելու են ՌԴ սահմանապահները»,–ասել է նա ԱՄՆ Սենատի փորձագետն ու ԱՄՆ դեսպանն այցելել են Ծիծեռնակաբերդ ՀՑԹԻ տնօրենն անդրադարձել է Ադրբեջանի կառավարության կազմակերպած կոտորածներին Ադրբեջանը մտադիր չէ ԵԱՏՄ անդամ դառնալ Նա հավելել է, սակայն, որ դա չի նշանակաում, որ դա չի կարող քննարկման առարկա դառնալ ապագայում Տավուշ-Ղազախ հատվածում տեղադրվել է առաջին սահմանային սյունը․ Փաշինյանը լուսանկար է հրապարակել Երկու երկրների փորձագիտական խմբերի աշխատանքները շարունակվում են |