Քոչարյան․ Սարգսյանին չարժեր փորձել իշխանության մնալ

PanARMENIAN.Net - ՀՀ 2-րդ նախագահ Ռոբերտ Քոչարյանը հարցազրույց է տվել ՆՏՎ հեռուստաալիքին, որում հերթական անգամ քննադատել է Փաշինյանի կառավարությանը, ինչպես նաև՝ Սերժ Սարգսյանի՝ իշխանության մնալու որոշումը, ապա նաև մի փոքր խոսել իր ապագա անելիքների մասին։ PAN-ն առանձնացրել է նրա կարևորագույն մտքերն ու մեղադրանքները։

Սերժ Սարգսյանի մասին

Կարծում եմ, նա (Սարգսյանը) չպիտի սկսեր սահմանադրական բարեփոխումները։ Ես այն ժամանակ հրապարակավ քննադատում էի դա։ Եվ չարժեր փորձել պահպանել իշխանությունը՝ վարչապետի աթոռը զբաղեցնելով։

Ինքն իր մասին

Ես հասկանում եմ, որ կարող եմ լուրջ կոնսոլիդացնող կենտրոն դառնալ այն մարդկանց համար, ովքեր խնդիրներ են տեսնում։

Իր ժամանակների ու պոտենցիալ կողմնակիցների մասին

Ես նախագահ եմ եղել 10 տարի։ ՀՆԱ-ն աճել է 5 անգամ՝ ռեկորդային թվեր, բյուջեն՝ 8 անգամ։ Ամեն ինչն, ինչ տեսնում եք Երևանում՝ հետաքրքիր, վերակառուցված, այն տարիներին է ստեղծվել։ Մենք 35-40 հազար աշխատատեղ էինք ստեղծում տարեկան։ Փոքր ու միջին բիզնեսի աբաժինը 16%-ից 46% է աճել։ Մասնավոր հատվածի բաժինը 80%-ից ավելի էր հասել։ Կյանքի որակը փոփոխվել է կտրականապես, և մեզ պետք է այդ մասին հիշեցնել։ Հնարավոր է՝ հիշողությունները թարմ չեն, բայց մենք կհիշեցնենք․․․ Կարծում եմ, այն մարդիկ, ովքեր ստեղծում էին բիզնեսներ, շարժում էին տնտեսությունը, կդառնան (իմ- խմբ․) էլեկտորալ բազան։

Փաշինյանի կառավարման մասին

Այն, ինչ տեղի է ունենում ՀՀ-ում, անդադար պոպուլիզմ է, որի հետևանքներն, ինչպես ես եմ կարծում, երկար ժամանակ դանդաղեցնելու են երկրի զարգացումը։

Իր դեմ քրեական հետապնդման մոտիվների մասին

10 տարի անց իշխանության են եկել նրանք, ովքեր պարտվել էին այն ժամանակվա (2008-ի՝ -խմբ․) ընտրություններում։ Եվ այսօր նրանց բոլոր մտքերը զբաղված են նրանով, ինչպես հատուցել նրանց, ում թշնամի են համարում։