Ուկրաինացի երաժշտին Հյուսիսայինից բերման են ենթարկել. Օսիպյանի, Միրզոյանի ու հանրության արձագանքը (վիդեո) 30 օգոստոսի 2018 - 15:09 AMT PanARMENIAN.Net - Օգոստոսի 29-ին Հյուսիսային պողոտայում միջադեպ է տեղի ունեցել ոստիկանության աշխատակիցների և փողոցային երաժիշտների միջև: Արդյունքում ոստիկանությունը բերման է ենթարկել Ուկրաինայի քաղաքացի Իլյա Կուլիկին: Միջադեպը համացանցում բուռն քննարկման առիթ է դարձել, Facebook սոցիալական ցանցում տեսանյութեր են տարածվում, որտեղ երևում է՝ ինչպես են ոստիկանները փողոցային երաժիշտ Կուլիկին բռնում, այնուհետև տապալում գետնին և տանում: Ոստիկանների գործողությունները և միջադեպը օգոստոսի 30-ին լրագրողների հետ ճեպազրույցում մեկնաբանել է ՀՀ ոստիկանապետ Վալերի Օսիպյանը: Նրա խոսքով, ոստիկաններին այժմ բոլորն ուզում են «մեղադրել»: Օսիպյանը նշել է, որ հասկանում է քաղաքացիների մտահոգությունն այդ հարցում: «Դժգոհությունը տեղին է»,- ասել է ոստիկանապետը: Սակայն նա հավելել է, որ տեղի ունեցած միջադեպի ընթացքում օրենքի որևէ խախտում չի եղել: «Երաժշտությունը շատ հաճելի է, հատկապես՝ զբոսաշրջիկների ու անցորդների համար, բայց այն աղմուկ է դառնում տեղի բնակիչների համար, ովքեր այն լսում են առավոտից երեկո: Մենք բազմաթիվ ահազանգեր ենք ստանում բնակիչներից», - ասել է Օսիպյանը: Նա նշել է, որ Հյուսիսային պողոտայում նվագող ուկրաինացի երաժիշտները եղել են ոչ սթափ վիճակում, և ոստիկաններին խնդրել են միջամտել հենց պողոտայի անցորդները: «Երկուսն էլ եղել են ոչ սթափ վիճակում, և միջադեպը եղել է երկուսի միջև, քաշքշել են իրար, տվել են միմյանց հայհոյանքներ և ոստիկանները ստիպված են եղել միջամտել, քանի որ անցորդներն են հենց ուղղորդել ոստիկաններին, թե՝ չե՞ք տեսնում, որ այնտեղ ոչ սթափ վիճակում քաշքշում են միմյանց: Ոստիկանները նրանց մոտ տեսել են գարեջրի տարաներ, այսինքն՝ կոպիտ խախտում կար հասարակական վայրերում ալկոհոլի օգտագործման: Օրենքի սահմաններում բերման են ենթարկվել ոստիկանություն, որտեղ կազմվել է արձանագրություն, և ժամկետը լրանալուց հետո նրանք բաց են թողնվել, ու այս պահին էլ ազատության մեջ են», - նշել է Օսիպյանը: Նա հավելել է, որ հրահանգել է ոստիկաններին այսուհետ մոտենալ և զգուշացնել երաժիշտներին, որ երաժշտությունը շատ բարձր չլինի, հատկապես աղմուկ չլինի 23:00-ից հետո: Իր հերթին առաջին փոխվարչապետ Արարատ Միրզոյանը ֆեյսբուքյան իր էջում գրել է. «Փողոցային երաժիշտները քաղաքային մշակույթի կարևոր մաս են, և նրանց կարող է ներկայացվել միայն մեկ պահանջ՝ համերգն ավարտել մինչև ժամը 23։00֊ն»: Արձագանքելով միջադեպին՝ Facebook սոցիալական ցանցում «Համերաշխություն փողոցային երաժիշտներին» միջոցառում է բացվել, որի կազմակերպիչները հորդորում են բոլոր ցանկացողներին օգոստոսի 30-ին ժամը 21:00-ին գնալ Հյուսիսային պողոտա ի աջակցություն փողոցային երաժիշտների: «Ո՞վ հավես ու ժամանակ ունի, գնում ենք խառը գործիքներով Հյուսիսայինում նվագելու ի պաշտպանություն փողոցային երաժիշտներին՝ օրենքի դեցիբելներին համապատասխան»,- ասվում է ակցիայի կազմակերպիչների հաղորդագրության մեջ: Ուշագրավ Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Ամենաընթերցվողը բաժնում | Դիվանագետների համահայկական խորհուրդ․ Արտաքին քաղաքական ռազմավարության սկզբունքային փոփոխություն է պետք Նշվում է, որ Սահմանազատման և սահմանագծման գործընթացը պետք է բխի միջազգային իրավունքի հիմնարար սկզբունքներից Փաշինյանը կիրանցիներին առաջարկել է սկսել աշխատել ու համատեղ քննարկումների միջոցով լուծում տալ հարցերին Ըստ Նազարյանի, Փաշինյանն ասել է, որ սահմանապահները կագնեն, «կարող ա մի 7 օր անվտանգ ապրեք, 8-րդ օրը անվտանգ չլինի» Ադրբեջանում հայտարարել են, որ Ղազախի շրջանում ականի պայթյունից սահմանապահ է վիրավորվել Նշվում է, որ տարածքը, որտեղ տեղի է ունեցել դեպքը, հարում է այն հատվածին, որը «Հայաստանի հետ շփման գիծ էր» ՀՀ–Ադրբեջան սահմանին տեղադրվել է 35 սահմանային սյուն՝ նախատեսված աշխատանքների կեսից ավելին արվել է Նշվում է, որ երկու երկրների փորձագիտական խմբերի աշխատանքները շարունակվում են |