Նարինե Աբգարյանի գիրքը Բուլղարիայում ճանաչվել է 2017-ի լավագույն ստեղծագործություն 6 սեպտեմբերի 2018 - 16:07 AMT PanARMENIAN.Net - Ռուսաստանաբնակ հայտնի արձակագիր Նարինե Աբգարյանի «Երկնքից ընկավ երեք խնձոր» գիրքը Բուլղարիայում ճանաչվել է 2017թ. լավագույն ստեղծագործություն, իսկ 2017թ. Բուլղարիայում վաճառված գեղարվեստական գրքերից ամենաշատ ընթերցվածները Նարինե Աբգարյանի հեղինակած գրքերն են: Այդ մասին հայտարարվել է Սոֆիայի Հայոց տանը «Երևան» կազմակերպության և բուլղարական «Լաբիրինթոս» հրատարակչության նախաձեռնությամբ մի շարք հեղինակավոր մրցանակների դափնեկիր գրողի հետ կազմակերպված հանդիպմանը։ Միջոցառմանը մասնակցել են բուլղարահայ համայնքի ներկայացուցիչներ, գրականության և արվեստի գործիչներ, բազմաթիվ ընթերցասերներ: Միջոցառմանը մասնակցել է Բուլղարիայում ՀՀ դեսպան Արմեն Սարգսյանը: Հանդիպմանը ներկայացվել է Հայաստանի Բերդ քաղաքում ծնված և մեծացած, ապա 1993-ից Մոսկվայում բնակվող ստեղծագործող Նարինե Աբգարյանի անցած ստեղծագործական ուղին, բուլղարացիների համակրանքը վայելող հայազգի արձակագրի երկերը, որոնք վերոնշված հրատարակչության կողմից թարգմանվել են բուլղարերեն: Իր խոսքում Նարինե Աբգարյանն անդրադարձել է իր մանկության տարիներին՝ ներկայացնելով հիշողություններ, որոնք հետագայում իր գրքերի հիմքն են հանդիսացել: Նա պատմել է ցեղասպանություն վերապրած իր նախնիների մասին, հիշատակեց Ղարաբաղյան պատերազմի ծանր օրերը, հայտնում է ԱԳՆ լրատվության ու հանրային դիվանագիտության վարչությունը: Պատասխանելով ներկաների բազմաթիվ հարցերին՝ արձակագիրը ներկայացրել է իր աշխատանքային և ստեղծագործական ճանապարհը՝ հետաքրքիր մանրամասներ ներկայացնելով իր գրքերի ստեղծման, դրանց առանձին դրվագների, հերոսների նախատիպերի մասին: Հանդիպման մասնակիցները հատվածներ են ընթերցել հեղինակի գրքերից: Սեպտեմբերի 5-7-ը Նարինե Աբգարյանի հետ հանդիպումներ կկազմակերպվեն Բուլղարիայի Պլովդիվ, Ստարա Զագորա և Բուրգաս քաղաքներում: 2016-ին Նարինե Աբգարյանը «Երկնքից ընկավ երեք խնձոր» վեպի համար արժանացել է «Յասնայա պոլյանա» գրական մրցանակին:«Երկնքից ընկավ երեք խնձոր» գիրքը պատմում է բարձր լեռներում կորած մի փոքրիկ գյուղի ու նրա բնակիչների մասին` մի քիչ տարօրինակ, մի քիչ փնթփնթան, բայց ոգու իսկական գանձեր կրող: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի Ֆասթ Բանկն աջակցում է «Ժողովրդական երաժշտության և պարի ազգային կենտրոն» մշակութային ՊՈԱԿ-ին Ֆասթ Բանկը 6 մլն դրամ է նվիրաբերել ՊՈԱԿ-ին Մի դրամի ուժը՝ «Կյանքի ճանապարհ» բարեգործական հասարակական կազմակերպությանը Կազմակերպությունը զբաղվում է էպիլեպսիա ունեցող երեխաների ախտորոշմամբ, դեղորայքի ապահովման հարցերով ու բուժմամբ |