Մոսկվայում ձերբակալվել է Ադրբեջանի կողմից հետախուզվող թալիշների առաջնորդը

Մոսկվայում ձերբակալվել է Ադրբեջանի կողմից հետախուզվող թալիշների առաջնորդը

PanARMENIAN.Net - Ռուսաստանում ձերբակալվել է ադրբեջանցի թալիշների առաջնորդ Ֆահրադդին Աբասզադեն, որն Ադրբեջանի կողմից միջազգային հետախուզման մեջ էր:

Աբասզադեն ժամանակին մասնակցել է թալիշների խնդիրներին նվիրված երևանյան գիտաժողովին և հայերին թալիշների «բարեկամ ու եղբայրներ» անվանել:

Ըստ տեղեկությունների, Աբասզադեին ձերբակալել են Մոսկվայի շրջանի Լյուբերեցկի վարչական տարածքի ոստիկանները, հայտնում է Haqqin.az-ը Regnum-ի վրա հղումով:

Մոսկվայի շրջանի Լյուբերեցկի քաղաքային դատարանի դատավոր Ժուռավլյովն Ադրբեջանին Աբբասզադեի արտահանձնումն ապահովելու համար որպես խափանման միջոց է ընտրել նրա կալանավորումը 1 ամսով:

Թալիշների առաջնորդներից մեկը համարվող Ֆահրադդին Աբասզադեն Ռուսաստան էր մեկնել 1994-ին: Ըստ ադրբեջանական աղբյուրների, նա մշտապես հայտարարություններով է հանդես եկել «Ադրբեջանի տարածքային ամբողջականության դեմ»:

Ավելի վաղ, անդրդառնալով թալիշների խնդիրներին, Աբասզադեն հայտարարել էր, որ ինչպես թալիշներին, այնպես էլ ավարներին, լեզգիներին և մյուսներին չի կարելի ազգային փոքրամասնություն համարել, քանի որ նրանք բոլորն էլ բնիկ են Ադրբեջանում: Նա ասել էր, որ Ադրբեջանն իսկական բանտ է այն ազգերի համար, որոնք այդ երկրի բնիկներն են:

 Ուշագրավ
2020 թվականի օգոստոսից Թուրքիայից Ադրբեջան պաշտպանական և ավիացիոն միջոցների արտահանման ծավալները խիստ աճել են
Գինը վերջնական չէ, բանակցություններն ընթանում են։
Պատվաստված կամավորները կորոնավիրուսի դեմ իմունիտետ են ձեռք բերել
Նա նշել է, որ ԱԳ նախարար Էլմար Մամեդյարովը որևէ կերպ չի արձագանքել հուլիսի 12-ին իրադարձություններին