Զուրաբյան. Ընտրություններին անարդարության, զոռբայության, փողի գործոնը չի աշխատել

Զուրաբյան.  Ընտրություններին   անարդարության, զոռբայության, փողի գործոնը  չի աշխատել

PanARMENIAN.Net - Երևանի ավագանու ընտրություններին մասնակցող «Երևանցիներ» դաշինքի քաղաքապետի թեկնածու Արարատ Զուրաբյանն ասել, որ նորմալ ընտրական պրոցես էր, ընտրական պրոցեսը նորմալ է անցել, «անարդարության, զոռբայության, փողի գործոնը չի աշխատել»:

«Չկային այն չարաշահումները, որոնք եղել են նախորդ տարիներին», - ասել է նա։

Անդրադառնալով ընտրություններին մասնակցության ցածր տոկոսին, Զուրաբյանն ասել , թե ինքը չի կարծում, որ 370,000-ը ցածր աստիճան է։

«Կարծում եմ, որ 800,000-ից ավելի ընտրողները հետևանք էին նրա, որ ցուցակները մաքրված չէին: Իմ գնահատմամբ գոնե, այդ թիվը պետք է ավելի փոքր լիներ», - ասել է Զուրաբյանը։

Սեպտեմբերի 23-ին Երևանում ավագանի էին ընտրում։ Ընտրություններին մասնակցել է 12 ուժ՝ 4 դաշինք և 8 կուսակցություն։ Դրանք են ԲՀԿ-ն, «Երևանի հանրությունը», «Երևանցիներ» դաշինքը, «Երկիր ծիրանի», «Ժառանգություն», «Ժողովրդավարական ուղի» կուսակցությունները, «Իմ քայլը» դաշինքը, «Լույս» դաշինքը, ՀՅԴ-ն, «Հայք հայկազուններ» կուսակցությունը, «Ռեֆորմիստները» և ՕԵԿ-ը: Ընտրական տեսամասերն աշխատելու են 12 ժամ՝ 8։00-ից 20։00-ն: Ոստիկանության վերջնական տվյալներով, քվեի իրավունք ունի 848,343 երևանցի։

Հայաստանում Թավշյա հեղափոխությունից հետո մի քանի քաղաքացիական նախաձեռնություն պահանջում էին Երևանի 11-րդ քաղաքապետ Տարոն Մարգարյանի հրաժարականը։ Ինքը՝ Մարգարյանը, հայտարարում էր, որ չի պատրաստվում հրաժարական տալ, սակայն հուլիսի 9-ին լքեց քաղաքապետի աթոռը, որ զբաղեցնում էր 2011 թվականի նոյեմբերից:

 Ուշագրավ
Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը
Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին
Այն ենթադրում է տարբեր տեսակի աջակցություններ պետություններին՝ տեխնիկական, ոչ մահաբեր զինատեսակների տրամադրում
---