Bloomberg. ՀՀ-ն Եվրոպայի ամենաարագ աճող զբոսաշրջային ուղղությունների 10-յակում է

Bloomberg. ՀՀ-ն Եվրոպայի ամենաարագ աճող զբոսաշրջային ուղղությունների 10-յակում է

PanARMENIAN.Net - Հայաստանը Եվրոպայի ամենաարագ աճող զբոսաշրջային ուղղությունների 10-յակում է: Այդ է վկայում Bloomberg միջազգային գործակալության Luxury Travel հավելվածի եվրոպացի զբոսաշրջիկների թվում առավել պահանջված ուղղությունների վարկանիշը, որը կազմվել է Զբոսաշրջության համաշխարհային կազմակերպության (UNWTO) 2017-ի տվյալների հիման վրա:

Հայաստանում 2017-ին զբոսաշրջության ոլորտի աճը կազմել է 18,65%, երկիրը զբաղեցրել է վարկանիշի 10-րդ հորիզոնականը:

«Հայաստանը հրապուրիչ մայրաքաղաք ունի, և այո, ամենահայտնի հայերից են նաև Քարդաշյանները: Ծանոթությունը տեղի ավանդույթներին, լավաշի պատրաստման վարպետության դասերը, այցելությունները կոնյակի գործարանների և հին վանքեր՝ ահա, ինչ կարող են գտնել զբոսաշրջիկները Հայաստանում»,-ասել է աշխարհի ամենահին զբոսաշրջային ընկերություններից մեկի՝ Cox & Kings-ի ներկայացուցիչ Ուորեն Չանգը:

Վարկանիշում ընդգրկվել են նաև Սան Մարինոն, Վրաստան, Իսրայելը, Իսլանդիան, Մակեդոնիան, Մոլդովան, Թուրքիան, Բոսնիան և Հերցոգովինան և Ադրբեջանը:

 Ուշագրավ
Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար
Ամփոփվել են միասնական քննությունների առաջին փուլի արդյունքները
Հաջորդ հումանիտար բեռը նախատեսվում է տրամադրել Խարկովի հիվանդանոցներից մեկին
Փետրվարի 6–ի ցերեկը մայրաքաղաքում սպասվում է +11, իսկ փետրվարի 7–ին՝ +13 աստիճան
---