ՌԴ ԱԳ փոխնախարար. ՌԴ-ն հուսով է, որ Խաչատուրովի փոխարինումը չի անդրադառնա ՀԱՊԿ աշխատանքի վրա28 սեպտեմբերի 2018 - 16:14 AMT PanARMENIAN.Net - Ռուսաստանը հուսով է, որ ՀԱՊԿ գլխավոր քարտուղար Յուրի Խաչատուրովի փոխարինումը չի անդրադառնա կազմակերպության գործունեության վրա: Այդ մասին հայտարարել է ՌԴ ԱԳՆ ղեկավարի տեղակալ Ալեքսանդր Պանկինը: «Ռուսական կողմը, ինչպես ՀԱՊԿ մյուս անդամ երկրները, շահագրգռված է, որ իրավիճակը գլխավոր քարտուղարի շուրջ նվազագույն ազդեցությունն ունենա ՀԱՊԿ գործունեության արդյունավետության և համակարգվածության վրա»,-ասել է Պանկինը, հայտնում է ՌԻԱ Նովոստին: Ըստ Պանկինի, «հայկական կողմը նախաձեռնել է այդ պաշտոնում Յուրի Խաչատուրովի լիազորությունների վաղաժամ դադարեցման գործընթաց, որն արդեն սկսված է և իրականացվում է ՀԱՊԿ-ում գործող ընթացակարգերի շրջանակում»: Փոխնախարարը հավելել է, որ «կազմակերպության բազմամյա գործունեության փորձը հիմք է տալիս վստահորեն նայել դեպի ապագան»: «Առջևում են մի շարք կարևորագույն միջոցառումներ, այդ թվում ՀԱՊԿ Հավաքական անվտանգության խորհրդի նստաշրջանը նոյեմբերի 8-ին Աստանայում, որտեղ պետությունների ղեկավարները կքննարկեն կազմակերպության հետագա զարգացմանն առնչվող մի շարք հարցեր»,-ասել է նա: Պանկինը նշել է, որ «աշխատանքը ՀԱՊԿ-ում անխափան է ընթանում, բոլոր ընդունած որոշումներն իրականացվում են ըստ ծրագրվածի»: Հայաստանը ՀԱՊԿ գործընկեր պետություններին առաջարկել է սկսել Գլխավոր քարտուղարի փոխարինման գործընթաց: ՀԱՊԿ գլխավոր քարտուղար Յուրի Խաչատուրովի վերաբերյալ որպես այլընտրանքային խափանման միջոց է ճանաչվել գրավը, նա, սակայն, օգոստոսի 4-ին վերադարձել է Մոսկվա՝ աշխատանքի: ՀԱՊԿ գլխավոր քարտուղար Յուրի Խաչատուրովը որպես մեղադրյալ ներգրավված է 2008 թվականի նախագահական ընտրություններին հետևած, 10 մարդու սպանությամբ զուգորդված բախումների վերաբերյալ քննվող քրգործում։ Այդ ժամանակ նա զբաղեցնում էր Երևանի կայազորի պետի պաշտոնը։ Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա Ամենաընթերցվողը բաժնում | Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը Աբրահամյան. Մի իշխանություն, որը 2018-ին փառաբանում էր խաղաղապահ բրիգադի փողոց դուրս գալը, այսօր խոսում է դրա անթույլատրելիության մասին Նա նշել է, որ կադրերում երևացող զինծառայողներն ակնհայտորեն այդ պահին ծառայության մեջ չէին, մարդկանց ջերմ ողջունեցին և գնացին Աբրահամյանն ու Օհանյանը սահմանազատմանը վերաբերող հարցեր են քննարկել ԵՄ դեսպանի հետ Բաքվի բանտերում գտնվող Արցախի նախկին ռազմաքաղաքական ղեկավարների խնդիրը |