Մասկը կհեռանա Tesla-ի տնօրենների խորհրդի նախագահի պաշտոնից

1 հոկտեմբերի 2018 - 15:14 AMT

PanARMENIAN.Net - Գործարար Իլոն Մասկը կհեռանա Tesla-ի տնօրենների խորհրդի նախագահի պաշտոնից: Գործարարն ու ԱՄՆ Արժեթղթերի հանձնաժողովը նման համաձայնության են եկել, երբ Մասկին մեղադրել են խարդախության մեջ: Մասկը, սակայն, կպահպանի ընկերության գլխավոր տնօրենի պաշտոնը:

Մասկը պետք է հեռանա տնօրենների խորհրդի նախագահի պաշտոնից 45 օրվա ընթացքում: Ըստ համաձայնության, նա չի կարողանա զբաղեցնել այդ պաշտոնն առաջիկա 3 տարում: Նրան կփոխարինի որևէ անկախ մենեջեր, գրում է Lenta.ru-ն:

Մասկը նաև պետք է տուգանք վճարի՝ 20 մլն դոլար: Նույնքան գումար կգանձվի Tesla-ից: Այդ գումարը կբաշխեն տուժած ներդրողների միջև: Բացի այդ, ընկերությունը պետք է երկու անկախ տնօրենի նշանակի:

Ավելի վաղ հայտնի դարձավ, որ Մասկը հրաժարվել է պայմանավորվել Հանձնաժողովի հետ: Հանձնաժողովը Մասկի դեմ քրեական գործ էր հարուցել Twitter-ում վերջինիս այն գրառման համար, թե նա մտադիր է մասնավոր դարձնել ընկերությունն ու կգնի բոլոր բաժնետոմսերը 420 դոլարով, ինչը շուկայական արժեքից բարձր էր: Հետագայում Մասկը հրաժարվեց իր մտադրությունից, ինչն առիթ տվեց կասկածելու, որ նա խարդախության է դիմել՝ ազդելու համար բաժնետոմսերի փոխարժեքի վրա: Tesla-ի տնօրենների խորհուրդը սատարում է Մասկին Հանձնաժողովի հետ նրա դիմակայության մեջ:

Հղումներ թեմայով.

Lenta.ru: Илон Маск лишился поста в Tesla