Միլսը՝ ԼՂ խնդրի մասին. «Գրավյալ որոշ տարածքների վերադարձը Մադրիդյան սկզբունքներից է»16 հոկտեմբերի 2018 - 17:20 AMT PanARMENIAN.Net - Հայաստանում ԱՄՆ դեսպան Ռիչարդ Միլսը հայտարարել է, որ յուրաքանչյուր կոնֆլիկտի խաղաղ կարգավորում, այդ թվում նաև՝ ԼՂ հիմնախնդրի, պահանջում է «գրավյալ որոշ տարածքների վերադարձ», հայտնում է EVN Report-ը: Նա ասել է, որ Արցախի որոշ շրջանների հանձնումը Ադրբեջանին Մադրիդյան սկզբունքներից մեկն է, և հայ ժողովուրդն, ի վերջո, պետք է որոշի` որ լուծմանն է ինքը պատրաստ»: «Ես զարմացած էի, երբ առաջին անգամ եկա և պարզեցի, որ հայերի մեծամասնությունը կտրականապես դեմ է օկուպացված տարածքների վերադարձին` որպես բանակցային գործընթացի մի մաս: Հայաստանում գրեթե քննարկում չկա ընդունելի լուծման կամ հնարավոր փոխզիջումների մասին», - ասել է Միլսը: Նա նշել է, որ 2016 թվականի Ապրիլյան պատերազմն ավելի է սրել հայերի այս մոտեցումը: «Սակայն դաժան իրականությունն այն է, որ ցանկացած կարգավորում պահանջելու է գրավյալ տարածքների որոշակի մասի վերադարձ»,- եզրափակել է դեսպանը: Ավելի վաղ ԵԱՀԿ Մինսկի խմբի համանախագահները հայտարարություն են տարածել, որտեղ նշվում էր, Ղարաբաղյան հակամարտության համապարփակ կարգավորումը փոխզիջումներ կպահանջի բոլոր կողմերից: Սեպտեմբերի 12-ին ՀՀ վարչապետ Նիկոլ Փաշինյանը ՀՀ ԱԺ-ում հայտարարել է, որ իր՝ վարչապետի պաշտոնը ստանձնելու պահին Լեռնային Ղարաբաղի կարգավիճակի մասին բանակցություններում խոսք չկա, և խոսքը միայն հայտնի շրջանների՝ Բաքվի վերահկողության տակ անցնելու մասին: Սրան հակառակ, նախկինում իշխող ՀՀԿ ներկայացուցիչները, մասնավորապես՝ պատգամավոր Արմեն Աշոտյանը, պնդել էր, որ բանակցությունների սեղանին դրված է եղել նաև ԼՂ կարգավիճակի հարցը: Նախկինում ԵԱՀԿ ՄԽ-ն, այդ թվում՝ ԱՄՆ համանախագահներ, հայտարարել են, որ բանակցությունները գնում են թե՛ նախկին ԼՂԻՄ դուրս շրջանների (բացառությամբ Լաչինի միջանցքը) Բաքվի վերահսկողության տակ անցնելու, թե՛ հանրաքվեի ու մինչև հանրաքվեն միջանկյալ կարգավիճակ ունենալու մասին։ Հղումներ թեմայով. Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | Թուրքիայի ընդդիմադիր DEM կուսակցությունը ոգեկոչել է Հայոց ցեղասպանության զոհերի հիշատակը Ոգեկոչման ակցիան ուղեկցվել է ցեղասպանության զոհ գնացած հայ մտավորականների լուսանկարների ցուցադրմամբ Թուրքիայի ԱԳՆ-ն դժգոհել է Հայոց ցեղասպանության մասին տարբեր երկրների հայտարարութուններից Թուրքիայի ԱԳՆ-ն կոչ է արել «բոլոր կողմերին սատարել համատեղ պատմական հանձնաժողովի ստեղծման առաջարկին» Մայր աթոռում Հայոց ցեղասպանության նահատակների ոգեկոչման արարողություն է եղել Հավատացյալների խոնարհումի համար դուրս էր բերվել նաև Հայոց Ցեղասպանության սրբոց նահատակաց մասունքարանը Նոյեմբերյանում բողոքի ակցիայի մասնակիցներից 5-ը ձերբակալվել է Նախաքննությունը շարունակվում է |