Ադրբեջանական գերության մեջ գտնվող Հայաստանի չորս քաղաքացիներին տանջանքների են ենթարկում 5 հունիսի 2008 - 19:12 AMT PanARMENIAN.Net - Ադրբեջանական գերության մեջ գտնվող Հայաստանի չորս քաղաքացիներին տանջանքների են ենթարկում, ասել է Գլխավոր շտաբի ղեկավարի տեղակալ, Հայաստանի ԶՈՒ ԳՇ հետախուզական վարչության ղեկավար, գնդապետ Արշակ Կարապետյանը: «Մենք վկայություններ ունենք, որ մեր քաղաքացիները բարոյական եւ ֆիզիկական ճնշման են ենթարկվում: Ես տեղյակ եմ, որ այնտեղ անգամ առաջարկություններ են հնչում տարբեր քիմիական նյութեր օգտագործելու վերաբերյալ` ճնշում գործադրելու նպատակով»,- հինգշաբթի լրագրողներին ասել է Կարապետյանը:Նրա խոսքերով, տանջանքների միջոցով ադրբեջանական կողմը փորձում է գերիներից խոստովանություն ստանալ, որ նրանք հետախույզներ են հանդիսանում, եւ փորձում էին դիվերսիա կատարել Ադրբեջանի տարածքում: «Մենք երբեք չենք լքում մեր քաղաքացիներին: Վաղ թե ուշ նրանք բոլորը կվերադառնան հայրենիք»,- ասել է Կարապետյանը, ընդ որում նշելով, որ գերեւարվածների կյանքին վտանգ չի սպառնում: Կարապետյանը նաեւ նշել է, որ այսօրվա դրությամբ ադրբեջանական կողմը Հայաստանի հետ չի կապվում, ինչի պատճառով հնարավոր չէ բանակցությունները շարունակել: «Եթե ադրբեջանցիները ցանկանում են փոխել խաղի կանոնները, ապա մենք կգնանք դրան: Սակայն այդ դեպքում մեր պատասխանը կլինի բավական կտրուկ: Իսկ դեռեւս մենք ձգտում ենք կարգավորել իրադրությունը ընդունված միջոցներով»,- ասել է Կարապետյանը: Իր հերթին, Հայաստանի պաշտպանության նախարարի մամլո քարտուղար Սեյրան Շահսուվարյանը նշել է, որ ադրբեջանական կողմը դիվերսիայի մեջ մեղադրելու օրինական իրավունք չունի: «Այժմ Ադրբեջանում փորձում են ինչ-որ կերպ հիմնավորել մեր քաղաքացիների ձերբակալությունը, ինչ-որ օրենք հարմարեցնել: Երեկ, օրինակ, Ադրբեջանի պաշտպանության նախարարության հաղորդագրության մեջ նշվում էր, որ հայերը ձերբակալված են «Ադրբեջանի Պաշտպանության նախարարության օրենսդրության համաձայն»,- ասել է Շահսուվարյանը: Նրա խոսքերով, Նորադուզի եւ Գավառի չորս բնակիչները ապրիլի 28-ին Նախիջեւանի տարածքում պատահմամբ են հայտնվել, այն բանից հետո, երբ փորձել են «հարաբերություններ պարզել» զորամասի տարածքում: «Տասներեք երիտասարդներ փորձել են «հարաբերություններ պարզել» այդ զորամասում ծառայող իրենց ընկերոջ հրամանատարի հետ: Այն բանից հետո, երբ հրամանատարը նախազգուշական կրակ է արձակել օդ, նրանք նստել են մեքենաները, եւ նրանցից չորսը պատահաբար անցել են սահմանը»,- ասել է Շահսուվարյանը: Նա նաեւ հավելել է, որ միջադեպի բոլոր 13 մասնակիցների նկատմամբ քրեական գործ է հարուցվել խուլիգանության փաստով, հաղորդում է «Նովոստի-Առմենիան»: Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | Ադրբեջանում հայտարարել են, որ Ղազախի շրջանում ականի պայթյունից սահմանապահ է վիրավորվել Նշվում է, որ տարածքը, որտեղ տեղի է ունեցել դեպքը, հարում է այն հատվածին, որը «Հայաստանի հետ շփման գիծ էր» ԱՆ․ Տավուշում գործընթացի վերաբերյալ կեղծ թեզեր են հնչում Դրանցից ամենատարածվածներին նախարարությունն անդրադարձել է իրավական տեսանկյունից Բալայան․ ՀՀ-ԵՄ հարաբերությունները հիմնված են հայկական ազգային շահերի վրա Նա հավելել է, որ դա սպառնալիք չէ Մոսկվայի համար Կիրանցի ղեկավարը՝ Փաշինյանի հետ Երևանում հանդիպելու առաջարկի մասին. Դեռ չենք որոշել Վարչապետի աշխատակազմից ասել են, որ տեղեկություն չունեն |