Դիանա Գասպարյանը՝ ՀՀ առաջին կին քաղաքապետ

Դիանա Գասպարյանը՝  ՀՀ առաջին կին քաղաքապետ

PanARMENIAN.Net - Հոկտեմբերի 21-ին Էջմիածնի ՏԻՄ ընտրություններում քաղաքապետ է ընտրվել «Իմ քայլը» դաշինքի ավագանու թեկնածուների ցուցակը գլխավորող, «Քաղաքացիական պայմանագիր» կուսակցության անդամ Դիանա Գասպարյանը՝ դառնալով ՀՀ առաջին կին քաղաքապետը:

Այս մասին ֆեյսբուքյան իր էջում հայտնել է ՀՀ տարածքային կառավարման և զարգացման նախարարության աշխատակազմի վարչական վերահսկողության և համայնքային ծառայության հարցերով խորհրդական Սիփան Փաշինյանը:

Քաղաքում ընտրելու իրավունք ունեցող 25,647 հոգուց քվեարկությանը մասնակցել է 8848-ը։ Գասպարյանը ստացել է 4519 քաղաքացու ձայնը։

Համայնքում առաջադրվել էր 12 թեկնածու։

Դիանա Գասպարյանը եղել է Էջմիածնի քաղաքապետի պաշտոնակատարը՝ մինչև քաղաքապետ ընտրվելը:

 Ուշագրավ
Նա հավելել է, որ փաստացի, ադրբեջանական զինված ուժերը հայտնվել են ռուս խաղաղապահների թիկունքում
Նշվում է նաև, որ ներխուժած ադրբեջանական ստորաբաժանումները մարտի լույս 25-ի գիշեր կրակ են բացել
Դեսպանատան ոչ մեծ թվով աշխատակիցներ դիտարկել են ընտրությունները՝ որպես այցելուներ
Շրջանառության մեջ կդրվի սահմանագծման և սահմանազատման հիմնախնդիրներին վերաբերող ԱԺ հայտարարության նախագիծ
---