Սանկտ-Պետերբուգում ավարտվել է Հայաստանի եւ Ադրբեջանի նախագահներ Սերժ Սարգսյանի եւ Իլհամ Ալիեւի առաջին հանդիպումը: Հանդիպումից հետո Հայաստանի եւ Ադբեջանի արտգործնախարարներ Էդվարդ Նալբանդյանն ու Էլմար Մամեդյարովը նշել են, որ հանդիպումը կառուցողական բնույթ է կրել, չնայած եւ ծանուցողական էր: Նրանց խոսքերով, միջնորդների մադրիդյան առաջարկությունները նախագահները չեն քննարկել: Էդվարդ Նալբանդյանը նշել է, որ Սերժ Սարգսյանն ու Իլհամ Ալիեւը ծանոթացել են Ղարաբաղի հակամարտության հարցով կողմերի դիրքորոշմանը: Նախագահները նաեւ հանձնարարել են ԱԳՆ ղեկավարներին շարունակել բանակցությունները ԵԱՀԿ Մինսկի խմբի շրջանակներում: Ինչպես հայտարարել է Էլմար Մամեդյարովը, Մինսկի խմբի համանախագահները կայցել են տարածաշրջան մոտ ժամանակներում, հաղորդում է Հայաստանի հանրային հեռուստատեսությունը: