Gazeta.ru. ԱՄՆ-ն զենքով է գայթակղում Հայաստանին26 հոկտեմբերի 2018 - 17:50 AMT PanARMENIAN.Net - ԱՄՆ-ն զենքով է գայթակղում Հայաստանին: Այդ մասին գրում է ռուսական Gazeta.ru-ն՝ անդրադառնալով ԱՄՆ նախագահի Ազգային անվտանգության հարցերով խորհրդական Ջոն Բոլթոնի տարածաշրջանային այցին Հարավային Կովկաս, մասնավորապես Հայաստան: Պարբերականը նշում է, որ Բոլթոնը ՀՀ վարչապետի պաշտոնակատար Նիկոլ Փաշինյանի հետ հանդիպմանն ասել է, որ «եթե երկընտրանքի խնդիր լիներ ռուսական և ամերիկյան զենք գնելու միջև, ապա ինքը կնախընտրեր վերջին տարբերակը»: «Ճիշտ է մեծ հավանականություն չկա, որ Հայաստանը կլսի այդ կոչը՝ Երևանին գոհացնում են առաքումները ՌԴ-ից, որը շարունակում է մնալ ՀՀ գլխավոր ռազմական դաշնակիցը տարածաշրջանում: Ինքը Փաշինյանն արդեն մի քանի անգամ հանդիպել է ՌԴ նախագահ Պուտինի հետ և մտադիր չէ փչացնել հարաբերությունները Մոսկվայի հետ»,-գրում է հոդվածի հեղինակը: Նշվում է, որ Թրամփի օգնականը և Հայաստանում, և Ադրբեջանում անդրադարձել է Լեռնային Ղարաբաղի հիմնախնդրին: Ինչպես նշում է պարբերականը, ԱՄՆ-ն, ինչպես և ՌԴ-ն, ԵԱՀԿ Մինսկի խմբի համանախագահ է, սակայն Թրամփի վարչակազմը չի կարևորել բանակցային գործընթացը և ջանում է հատուցել կորցրածը՝ տեսնելով ռուսական դիվանագիտության ակտիվացումը տարածաշրջանում: Ինչպես հայտարարել է Բոլթոնը, ԱՄՆ-ն հավատարիմ է ղարաբաղյան հակամարտության խաղաղ կարգավորմանը: Նշվում է, որ ամերիկացի դիվանագետը ասել է, որ ԱՄՆ-ն անհրաժեշտ է համարում այնպիսի արդյունք գրանցել, որը կգոհացնի և Ադրբեջանին, և Հայաստանին՝ հաշվի առնելով «տարածաշրջանի ռազմավարական նշանակությունը»: Ըստ հոդվածի հեղինակի, Բոլթոնի հենց այս խոսքերն են բնութագրում նրա այցը՝ ԱՄՆ-ն ի դեմս Հարավային Կովկասի 3 պետության տեսնում է իր քաղաքական և տնտեսական ուժի գործադրման կարևոր տարր մի տարածաշրջանում, որը կարևոր է ինչպես Մոսկվայի, այնպես էլ, Թեհրանի համար: ԱՄՆ նախագահի Ազգային անվտանգության հարցերով խորհրդական Ջոն Բոլթոնը ՀՀ վարչապետի պաշտոնակատար Նիկոլ Փաշինյանի հետ հանդիպմանն ասել է, որ «եթե երկընտրանքի խնդիր լիներ ռուսական և ամերիկյան զենք գնելու միջև, ապա ինքը կնախընտրեր վերջին տարբերակը»: «Մենք կարծում ենք, որ մեր տեխնիկան ամեն դեպքում ավելի լավն է, քան ռուսականը: Այնպես որ, ուզում ենք դիտարկել այդ հնարավորությունը (ՀՀ-ին զենք վաճառելու-խմբ.): Կարծում եմ, որ այն ավելացնում է Հայաստանի հնարավորւթյունները, երբ այն ամբողջովին կախված չէ մեկ գերտերությունից։ Ես հասկանում եմ աշխարհագրական դիրքի և պատմական իրողությունների հետ կապված հարցերը, բայց կարծում եմ՝ ժամանակն է լավատես լինելու, որ Հայաստանը կարող է ավելի տեսանելի լինել համաշխարհային ասպարեզում: ԱՄՆ-ը Հարավային Կովկասը ռազմավարական առումով շատ կարևոր տարածաշրջան է համարում է։ Այնպես որ, Հայաստանի հետ հարաբերությունների բարելավելը շատ բարձր առաջնահերթություն է ԱՄՆ վարչակազմի համար», - ասել է նա: Ուշագրավ Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու «Այն անպայման կցուցադրվի, սակայն պարզ չէ, թե երբ»,–ասել է Սեիդովը Ամենաընթերցվողը բաժնում | Մանկապարտեզներում երկարօրյա ծառայությունը կգործի անգամ 1 երեխայի համար Մանկապարտեզներում կան նաև կրթական լրացուցիչ վճարովի ծառայություններ Տաթևի վանքի շրջակայքում պտղատու այգի է հիմնվում՝ ի զորակցություն Ռուբեն Վարդանյանի և գերեվարված հայրենակիցների Ծրագրին կարող են մասնակցել բոլորը՝ այցելելով գործակալության կայք և ձեռք բերել անվանական ծառ` սեղմելով «Տնկել ծառ» կոճակը Համազեկուցող․ ԵԽԽՎ վերադառնալու համար Բաքուն պետք է մի շարք պահանջներ կատարի Ադրբեջանը նաև պետք է իր պարտավորությունները կատարի մարդու իրավունքների ոլորտում Տոնոյան․ Եթե երկրի ղեկավարը կախիչների որակը զննելու ժամանակ ունի, թող նաև հրթիռները «զննելու» ժամանակ գտնի Ըստ նրա, զննության արդյունքներով հօդս են ցնդել հրթիռներին տրված «անորակ», «անպիտան» և «ժամկետանց» որակումները |