Ազգային ժողովը երկրորդ ընթերցմամբ և ամբողջությամբ ընդունել է համաներում հայտարարելու մասին օրենքի նախագիծը:

Նախագիծն ընդունվել է միաձայն: Կողմ է քվեարկել 75, դեմ և ձեռնպահ քվեարկողներ չեն եղել:

Համաներումը հայտարարվում է Էրեբունի-Երևանի հիմնադրման 2800-ամյակի և Հայաստանի առաջին Հանրապետության անկախության հռչակման 100-ամյակի կապակցությամբ:

Համաներումը կկիրառավի մոտ 6500 անձի նկատմամբ: Այդ մասին հայտարարել է արդարադատության նախարարի պաշտոնակատար Արտակ Զեյնալյանն ԱԺ-ում Համաներման մասին օրինագիծը ներկայացնելով:

Ըստ նախագծի, համաներումը տարածվելու է բազմաթիվ ոչ ծանր հանցագործություններ գործած անձանց վրա, ինչպես նաև՝ «Սասնա ծռերի» վրա՝ տուժողների և իրենց իրավահաջորդների համաձայնության դեպքում։