 ՀՀ նախագահ. Խաչատուրովը, հավանաբար, հետ կկանչվի ՀԱՊԿ գլխավոր քարտուղարի պաշտոնից 1 նոյեմբերի 2018 - 15:05 AMT PanARMENIAN.Net - Յուրի Խաչատուրովը, հավանաբար, հետ կկանչվի ՀԱՊԿ գլխավոր քարտուղարի պաշտոնից: Այդ մասին Մինսկում լրագրողներին է հայտարարել է ՀՀ նախագահ Արմեն Սարգսյանը: «Ամենայն հավանականությամբ, Հայաստանը հետ կկանչի իր ներկայացուցչին»,-ասել է Սարգսյանը, հայտնում է «Ինտերֆաքս-Զապադը»: Նախագահը պարզաբանել է, որ քանի որ Խաչատուրովը Հայաստանի ներկայացուցիչն է, ապա երկիրն իրավունք ունի որոշելու՝ շարունակելու է իր ներկայացուցիչը կատարել կազմակերպության գլխավոր քարտուղարի պարտականությունները, թե ոչ: «Այժմ որոշակի իրավաբանական գործընթաց կա այդ ուղղությամբ»,-ասել է նա: Հայաստանը ՀԱՊԿ գործընկեր պետություններին առաջարկել է սկսել Գլխավոր քարտուղարի փոխարինման գործընթաց: ՀԱՊԿ գլխավոր քարտուղար Յուրի Խաչատուրովի վերաբերյալ որպես այլընտրանքային խափանման միջոց է ճանաչվել գրավը, նա, սակայն, օգոստոսի 4-ին վերադարձել է Մոսկվա՝ աշխատանքի:ՀԱՊԿ գլխավոր քարտուղար Յուրի Խաչատուրովը որպես մեղադրյալ ներգրավված է 2008 թվականի նախագահական ընտրություններին հետևած, 10 մարդու սպանությամբ զուգորդված բախումների վերաբերյալ քննվող քրգործում։ Այդ ժամանակ նա զբաղեցնում էր Երևանի կայազորի պետի պաշտոնը։ Հավաքական անվտանգության պայմանագրի կազմակերպության անդամ երկրների ղեկավարները կհանդիպեն նոյեմբերի 8-ին Աստանայում, որտեղ տեղի կունենա ՀԱՊԿ Խորհդի նստաշրջանը:   Ուշագրավ Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը   Ամենաընթերցվողը բաժնում |  Վերջին լուրեր Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են  Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվելԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինըԿիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |
