Արվեստի գործերը թիկնազորի ուղեկցությամբ կտարվեն դպրոցներ

Արվեստի գործերը թիկնազորի ուղեկցությամբ կտարվեն դպրոցներ

PanARMENIAN.Net - ՀՀ վարչապետի պաշտոնակատար Նիկոլ Փաշինյանն ԱԺ-ում հայտարարել է, որ Մշակույթի և Կրթության ու գիտության նախարարությունները համատեղ իրականացնում են «Իմ արվեստը» նախագիծը, որի նպատակը դպրոցականների շրջանում մշակութային նոր ընկալումներ ձևավորելն է:

Նախագծով թիկնազորի, ճանապարհային ոստիկանության ուղեկցությամբ ավտոշարասյունը կմտնի դպրոցների բակե՝ տեղափոխելով, սակայն, ոչ թե բարձրաստիճան պաշտոնյաների, այլ արվեստի բարձրարժեք գործեր:

«Երեխաների ենթագիտակցության մեջ արմատացած է, որ այդպես շրջում են միայն նախագահը, վարչապետը, օլիգարխները: Պատկերացրեք, դպրոցի բակ է մտնում զրահապատ մեքենա, որից դուրս է բերվում կերպարվեստի գլուխգործոց, և այն անվտանգության առանձնահատուկ միջոցառումներով տանում են շենք: Ինչու է սա արվում: Որպեսզի երեխաները հասկանան, որ թիկնազորի կողմից պաշտպանվելու ենթակա օբյեկտները ոչ թե մեզ ու ձեզ հայտնի խմբի մարդիկ են, այլ արվեստի գործերը: Նախագծով մասնագետը կբացատրի աշակերտներին, թե ինչու է արվեստի այդ գործն արժեքավոր, և ինչու պետք է պահպանվի թիկնազորի կողմից», - ասել է Փաշինյանը:

ԱԺ նոյեմբերի 1-ի հատուկ նիստում երկրորդ անգամ չի ընտրվել վարչապետ: Խոհրդարանն արձակվել է իրավունքի ուժով:

 Ուշագրավ
Տիգրան Ավինյանն ու Գրեգորի Դուսեն այցելել են պատմական թաղամաս
Snap-ը պլատինե երգի կարգավիճակ է ստացել նաև մի քանի այլ երկրներում
Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․
Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով
---