Մարզերում մինչև 250 մլն դրամանոց ներդրումային ծրագրերի 50%-ը կֆինանսավորվի

6 նոյեմբերի 2018 - 10:22 AMT

PanARMENIAN.Net - 50%-ի չափով պետական աջակցություն կտրամադրվի մարզերում մինչև 250 մլն դրամանոց ներդրումային ծրագրերին: Համապատասխան նախագիծը տեղադրված է իրավական ակտերի հրապարակման միասնական կայքում:

Ֆինանսական աջակցությունը կտրամադրվի բացառապես ծրագրի իրականացման համար ձեռքբերվող (ներմուծվող) սարքավորումների համար, ծրագրի գործարկումից հետո՝ իրականացնողի կողմից ներկայացված հաշվետվության հիման վրա, հաշվետվությունը ներկայացնելուց հետո մեկամսյա ժամկետում:

Նախագծով սահմանվում են Ֆինանսական աջակցության վերադարձման պայմաններ, ընդ որում սահմանվում է, որ վերջինս ենթակա չէ վերադարձման կազմակերպությունների լուծարման, գործունեության դադարեցման և սնանկացման դեպքերում:

Պետական աջակցությունը տրամադրվում է բացառապես մշակող արդյունաբերության ոլորտում իրականացվող ծրագրերի համար՝ բացառությամբ էներգետիկ և հանքարդյունաբերության ոլորտների:

Նախագծի նպատակն է խթանել մարզերում տնտեսական ակտիվությունը, ընդլայնել զբաղվածությունը, օժանդակել նոր արտադարության (արտադրությունների) հիմնումը, առկա արտադրության ընդլայնմանը, աշխատատեղերի ստեղծմանը:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով