ԲՀԿ առաջնորդ Գագիկ Ծառուկյանն առաջիկա արտահերթ խորհրդարանական ընտրություններում չի առաջադրվելու ռեյտինգային ցուցակով։ Այդ մասին ասել է ինքը Ծառուկյանը, հայտնում է Factor.am-ը:

Անդրադառնալով այն հարցին, թե որն է չառաջադրվելու պատճառը, արդյո՞ք մտավախություններ կան՝ Ծառուկյանը պատասխանել է, որ թողնելու է յուրաքանչյուրն առաջադրվի իր տարածքում։

Խոսելով այն մասին, թե ընդգրկվելու է արդյոք ցուցակում Նաիրա Զոհրաբյանը՝ Ծառուկյանն ասել է. «Ինչու՞ առանց Նաիրա Զոհրաբյանի ԲՀԿ-ն լինո՞ւմ է»: Ծառուկյանը նաև հերքել է տեղեկությունները, որ իր և Զոհրաբյանի հարաբերությունները լարված են։

Ազգային ժողովի արտահերթ ընտրությունները կկայանան դեկտեմբերի 9-ին: Քարոզարշավը կմեկնարկի նոյեմբերի 26-ին, կտևի մինչև դեկտեմբերի 7-ը: