ԽՍՀՄ ժողովրդական արտիստ Արմեն Ջիգարխանյանը դուրս է գրվել առողջարանից և արդեն տանն է: Այդ մասին հայտնել է նրա ընկերը՝ Արթուր Սողոմոնյանը:
«Նա դուրս է գրվել առողջարանից, տանն է, ապաքինվում է: Նոր եմ նրա հետ խոսել: Հաջորդ շաբաթվանից Ջիգարխանյանը մտադիր է թատրոն այցելել և դիտել «Մոլիերի» պրեմիերան, որին այդքան սպասել է»,-ասել է Սողոմոնյանը, հայտնում է ՌԻԱ Նովոստին:
Ավելի վաղ մի շարք ԶԼՄ-ներ հաղորդագրություններ էին տարածել, որ Արմեն Ջիգարխանյանի «ինքնազգացողությունը կտրուկ վատթարացել է»՝ դերասանի ընկերուհու վրա հղումով: Ջիգարխանյանն ապաքինվում էր առողջարանում: