Վրաստանն առաջին կին նախագահն ունի29 նոյեմբերի 2018 - 10:31 AMT PanARMENIAN.Net - Վրաստանի ԿԸՀ-ն հայտարարել է, որ քվեաթերթիկների 99 տոկոսի հաշվարկի արդյունքում նախագահական ընտրությունների երկրորդ փուլում քաղաքացիները նախապատվությունը տվել են անկախ թեկնածու Սալոմե Զուրաբիշվիլիին, որին սատարում է իշխող «Վրացական երազանք» կուսակցությունը, հայտնում է Deutsche welle-ն: : Վրաստանի Հանրապետության պատմության մեջ նախագահի պաշտոնն առաջին անգամ կին է ստանձնում: Ըստ Վրաստանի ԿԸՀ-ի, երկրորդ փուլում Զուրաբիշվիլին հավաքել է քվեների գրեթե 60 տոկոսը: Ընդդիմադիր «միասնական ազգային շարժում» Միխայիլ Սահակաշվիլիի կուսակցության թեկնածու Գրիգոլ Վաշաձեի օգտին քվեարկել է մոտ 40 տոկոսը: Վաշաձեն չի շտապում ընդունել պարտությունը: Նա հայտարարել է, որ կսպասի պաշտոնական տվյալներին, քանի որ, ըստ նրա, «մեծ թվով ընտրողներ ընտրատեղամասեր են եկել 17:00-ից հետո»: Քվեարկությունն ավարտվել է տեղական ժամանակով 20:00-ին: Վրաստանի նախկին նախագահ Միխայիլ Սահակաշվիլին, որը սատարում էր Վաշաձեին, կոչ է արել Վրաստանի քաղաքացիներին դուրս գալ բողոքի ցույցերի՝ պահանջելով նոր, արտահերթ խորհրդարանական ընտրություններ: «Վաղվանից, անկախ արդյունքներից, մենք անցնում ենք զանգվածային անհնազանդության ակցիաների: Ես կոչ եմ անում Վրաստանի ոստիկանությանը, բանակին հեռու մնալ քրեածին մաֆիոզ բանդայից: Ես կոչ եմ անում Վրաստանի փրկությունը ձեր ձեռքը վերցնել»,-հայտարարել է նա, հայտնում է BBC-ին: Այս ընտրությունները Վրաստանի նախագահի վերջին ընտրություններն էին ուղիղ քվեարկության եղանակով: Այսուհետ նախագահին ընտրելու են ընտրիչ կոլեգիայի 300 անդամները: Ըստ 2017-ի սահմանադրական փոփոխությունների, նախագահի իրավունքներն ու լիազորությունները զգալիորեն կրճատվել են: Սակայն նախագահը միևնույն է մնում է գլխավոր գերագույն հրամանատարը, ինչպես նաև վետոյի և ներում շնորհելու իրավունք ունի: Շատերը համարում են, որ այս ընտրությունները կարևոր թեստ են քաղաքական ուժերի համար 2020թ. խորհրդարանական ընտրություններից առաջ: Ըստ տեղի դիտորդների, ընտրությունների 2-րդ փուլից առաջ մթնոլորտն էլ ավելի լարված էր ու բևեռացված: Photo. REUTERS/David Mdzinarishvili Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում Ամենաընթերցվողը բաժնում | Կիպրոսի Ներկայացուցիչների պալատը հարգել է Հայոց ցեղասպանության զոհերի հիշատակը Կուլիասը նշել է, որ ապրիլի 24-ին ոգեկոչվում է Հայոց ցեղասպանության «սև տարելիցը» Փաշինյանը ԵԱՀԿ ՄԽ Ֆրանսիայի համանախագահի հետ քննարկել է տարածաշրջանային հարցեր Քննարկվել են Հայաստան-Ֆրանսիա համագործակցության հետևողական զարգացմանը վերաբերող օրակարգային հարցեր Ադրբեջանցիները քանդել են Շուշիի Կանաչ ժամը Արբանյակային լուսանկարները հաստատում են, որ եկեղեցին ոչնչացվել է 2024 թվականի փետրվարին Կայացել է «Բադալյան եղբայրներ» ընկերությունների խմբի մեջ մտնող ֆինանսական կազմակերպությունների տարեկան ժողովը Հայաստանում «Ֆասթ Բանկ» ՓԲԸ վարկային պորտֆելն ավելացել է60 տոկոսով |