Կարասին. Ակնկալում ենք, որ ՀՀ-ն խիզախություն կունենա դիմակայելու ԱՄՆ շանտաժին19 դեկտեմբերի 2018 - 13:37 AMT PanARMENIAN.Net - Մոսկվան հուսով է, որ Հայաստանի նոր իշխանությունները խիզախություն կունենան դիմակայելու ԱՄՆ շանտաժին ու ճնշմանը և ինքնուրույն որոշումներ կկայացնեն: Այդ մասին հայտարարել է Ռուսաստանի ԱԳ փոխնախարար Գրիգորի Կարասինը: «Հայաստանում 2018-ի կտրուկ փոփոխությունների ֆոնին Վաշինգտոնի միջամտությունը նրա ներքին և արտաքին քաղաքական գործերին գնալով ավելի ակնհայտ է դառնում»,- ասել է Կարասինը, հայտնում է ՌԻԱ Նովոստին: Հոկտեմբերին Երևան այցելության ժամանակ ԱՄՆ նախագահի ազգային անվտանգության հարցերով օգնական Ջոն Բոլթոնը լրագրողների հետ զրույցում հայտարարել է, որ «ամերիկյան զենքն, ամեն դեպքում, ռուսականից լավն է»: Նա խորհուրդ է տվել Երևանին իր միջազգային հարաբերություններում «ազատվել պատմական կլիշեներից»: Ըստ դիվանագետի, Բոլթոնը հայ ժողովրդի պատմական փորձը վիրավորական կերպով «պատմական կլիշե» է անվանել, ինչպես նաև «կարգադրել է Հայաստանին ամերիկյան զենք գնել և որքան հնարավոր է արագ միանալ Իրանի դեմ պատժամիջոցներին»: «Եթե այդպիսին է հայ-ամերիկյան հարաբերությունների տեսանելի կողմը, ապա կարելի է պատկերացնել, ինչ «թևերի ոլորում» է կատարվում կուլիսներում»,- ասել է Կարասինը: «Հուսով ենք, որ ՀՀ ներկայիս ղեկավարությունը, որը ստացել է անհրաժեշտ մանդատը ԱԺ ընտրություններում, խիզախություն կունենա դիմակայելու ԱՄՆ շանտաժին ու ճնշմանը և կպաշտպանի ինքնուրույն որոշումներ կայացնելու իր ինքնիշխան իրավունքը՝ առաջնորդվելով ազգային շահերով»,-ասել է ռուս դիվանագետը: Ավելի վաղ ՀՀ ԱԳ նախարարի պաշտոնակատար Զոհրաբ Մնացականյանը, պատասխանելով ՏԱՍՍ-ի հարցին ԱՄՆ նախագահի ազգային անվտանգության գծով խորհրդական Ջոն Բոլթոնի այն հայտարարության մասին, որ ՀՀ-ն կարող է ամերիկյան զենք գնել, ասել է, որ Հայաստանն ամերիկյան զենք գնելու առաջարկ չի ստացել: Նա հավելել է նաև, որ երբ Հայաստանը դժգոհություն է հայտնում Ադրբեջանին զենք վաճառելու վերաբերյալ՝ շեշտում է, որ «չի կարող վերաբերվել դրան որպես զուտ գործարքի, այլ ընկալում է որպես զենք, որը խլում է հայրենակիցների կյանքը՝ զինվորների, քաղաքացիական բնակչության»: Ուշագրավ Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու «Այն անպայման կցուցադրվի, սակայն պարզ չէ, թե երբ»,–ասել է Սեիդովը Ամենաընթերցվողը բաժնում | Կայծակը հարվածել է Աբու Դաբի-Երևան չվերթի օդանավին՝ ճաքել է պատուհաններից մեկը Օդանավում խուճապ է սկսվել, սակայն օդաչուների պրոֆեսիոնալիզմի շնորհիվ հաջողվել է անվնաս վայրէջք կատարել Fastex-ը, Ucraft-ը և Hoory-ն հովանավորել են Dօing Digital 2024 համաժողովը և հատուկ մրցանակների արժանացել Fastex web3 էկոհամակարգը ճանաչվել է լավագույնը բլոկչեյնի նորարարական կիրառման համատեքստում GRECO-ն ՀՀ-ին կոչ է արել ավելի ուժեղ վերահսկողություն սահմանել բարձրագույն գործադիր գործառույթների նկատմամբ Իշխանությունները GRECO-ին պետք է ներկայացնեն զեկույցում առկա 22 առաջարկությունների վերաբերյալ իրենց կատարողականը ՀՀ ԱԳՆ․ Ադրբեջանական լրատվամիջոցներում հրապարակված թուղթը կեղծ է՝ Բրյուսելի հանդիպմանը գաղտնի օրակարգ չի եղել Նա հավելել է, որ բրյուսելյան գործընթացն ամբողջովին թափանցիկ է եղել և շարունակելու է մնալ այդպիսին |