«Սպայկան» հարկային արտոնություն է ստացել. 28 մլրդ դրամի ներդրում կարվի

«Սպայկան» հարկային արտոնություն է ստացել.  28 մլրդ դրամի ներդրում կարվի

PanARMENIAN.Net - Կառավարության դեկտեմբերի 20-ի նիստում հաստատվել է «Սպայկա» ընկերությանը հարկային արտոնություններ տալու վերաբերյալ նախագիծը:

Ընկերությունը գերակա ոլորտում իրականացվող ներդրումային ծրագրի շրջանակում կազատվի ներմուծվող տեխնոլոգիական սարքավորումների, դրանց բաղկացուցիչ ու համալրող մասերի, հումքը և նյութերի ներմուծման մաքսատուրքից:

Նախագծում նշվում է, որ «Սպայկայի» կողմից ներմուծվող ապրանքներն օգտագործվելու են գյուղմթերքի վերամշակման մեջ։ Ծրագրի շրջանակում նախատեսվում է իրականացնել 28 մլրդ դրամի ներդրում, որից 4.2 մլրդ դրամը՝ սեփական միջոցներից, 23.8 մլրդ դրամը` վարկային միջոցներից:

Ներդրումային ծրագրի շրջանակում ստեղծվել է 1600 աշխատատեղ՝ 190,000 դրամ միջին աշխատավարձով։ Նախատեսվում է ստեղծել 300 նոր աշխատատեղ՝ 200,000 դրամ միջին աշխատավարձով։

Ծրագրով նախատեսված արտադրանքի ընդհանուր ծավալն առաջին տարում կկազմի 45 մլրդ դրամ, որից 15 մլրդ դրամի արտադրանքը կիրացվի ՀՀ տարածքում, 25 մլրդ դրամի արտադրանքը՝ ԵԱՏՄ այլ անդամ երկրների տարածքում, 5 մլրդ դրամի արտադրանքը՝ այլ երկրների տարածքում։

 Ուշագրավ
«Երկարացնելու ենք թուրքական ապրանքների ներմուծման արգելքը»,-ասել էնա
Նա ասել է, որ 2020-ին տնտեսությունն ունեցել է ընդամենը 7.6 տոկոս անկում
ՌԱԷԿ-ի մասնագետները ներկայացրել են տեխնիկական սպասարկման և վերանորոգման ուղղությամբ տարվող աշխատանքը
Նա հավելել է, որ էկոնոմիկայի նախարարությունը բիզնեսի համար առավել կոնկրետ առաջարկներով հանդես կգա