Վարչապետը Մանվել Գրիգորյանի հարցով ճանապարհ փակողներին․ Դա կառավարության դեմ է` դրա լիազորությունը չունեք15 հունվարի 2019 - 14:26 AMT PanARMENIAN.Net - ՀՀ վարչապետ Նիկոլ Փաշինյանն իր ֆեյսբուքյան ուղիղ եթերում, անդրադառնալով գեներալ Մանվել Գրիգորյանին գրավով կալանքից ազատելը դեմ բողոքի ցույցերին, ասել է, որ կարող է հասկանալ, որ ճանապարհ փակողներն ուզում են ուշադրության կենտրոնում պահել հարցը, բայց այդպիսով գործում են կառավարության դեմ: «Տպավորություն է, որ իրենք են Մանվել Գրիգորյանին բռնել, մենք էլ բաց ենք թողել: Կառավարության և իշխանության գործունեության արդյունքում են այդ բացահայտումները տեղի ունեցել: Իսկ ճանապարհ փակելը ընդդեմ ՀՀ կառավարության է՝ որ ասեն, թե կառավարությունը ճամփեքն էլ չի կարողանում բաց պահել»,- ասել է վարչապետը: «Ճանապարհին մնացողը իշխանություն չի՞», - հռետորական հարց է տվել Փաշինյանը՝ նշելով, որ իշխանությունն ընտրվել է նաև ճանապարհների անցանելիությունը ապահովելու համար։ Նա վստահեցրել է, որ Մանվել Գրիգորյանի գործի նախաքննությունը շարունակվելու է և հասնելու է դատական գործընթացի: Վարչապետը խոստովանել է, որ իր համար էլ էր տհաճ, երբ Մանվել Գրիգորյանին գրավի դիմաց ազատ արձակելու մասին իմացավ: «Դա է անկախ դատական իշխանությունը, որ իշխանությունը դատական համակարգից իր համար միայն հաճելի լուրեր չի լսում»,-ասել է նա: Ըստ Փաշինյանի, տպավորություն կա, որ էջմիածնում ոչ թե մեկ, այլ մի քանի կլան է եղել: «Ոմանք փորձում են այս ֆոնին նորից կլանային ինչ-ինչ հարաբերություններ հաստատել Էջմիածնում ու երկրում: Չի անցնելու: Ժողովուրդն ինքն իր իշխանությունն ընտրել է, և այդ իշխանության լիազորությունն է ապահովել ճանապարհների անցանելիությունը:»,-ասել է նա: Վարչապետը կոչ է արել կաթվածահար չանել հանրապետության և նրա առանձին հատվածի կյանքը: «Բա լա՞վ էր, որ Նիկոլը ճանապարհ էր փակում, հիմա մենք ենք փակելու: Չեք փակելու, որովհետև դուք դրա լիազորութոյունը չունեք, չեք ստացել այդ լիազորությունը: Ժողովուրդն իր իշխանությանը ընտրել է, և այդ իշխանության լիազորությունն է ապահովել ճանապարհների անցանելիությունը: Եվ նրանք, ովքեր ուզում են փակել ճանապարհներ․․․ կարող եմ հասկանալ, որ ուշադրություն են ուզում գրավել ինչ-որ հարցի նկատմամբ, բայց եթե ուզում են իրավիճակը կաթվածահար անել, նրանք գործում են ուղիղ կառավարության դեմ»,- շեշտել է նա։։ Նիկոլ Փաշինյանը, դիմելով Մանվել Գրիգորյանի կալանքի պահանջով ցուցարարներին, խնդրել է սադրանքների չտրվել, կլանային պատերազմների մեջ չներքաշվել: «Ասում են, թե Էջմիածնում վախենում են, որ Մանվել Գրիգորյանն ազատության մեջ է: Եթե վախենում եք, նշանակում է, այդ մարդկանց համար էլ երկրում բան չի փոխվել: Հին ձևերով են գործում այն մարդիկ, որ ասում են՝ փակում ենք, չենք թողնում՝ մարդիկ գնան իրենց տուն»,- ասել է վարչապետը: 2018 թ. դեկտեմբերի 21-ին Երևան քաղաքի ընդհանուր իրավասության դատարանը որոշում է ընդունել փոխել ԱԺ նախկին պատգամավոր, Երկրապահ կամավորական միության վարչության նախկին նախագահ, գեներալ Մանվել Գրիգորյանի խափանման միջոցը: Որպես խափանման միջոց դատարանը որոշել է կիրառել գրավը՝ 25 մլն դրամի չափով: Գրիգորյանը ձերբակալվել էր 2018-ի հունիսից, երբ ԱԱԾ-ն ցուցադրեց իրեն պատկանող առանձնատներում պահվող մեծաքանակ զենք-զինամթերքը, զինվորական հանդերձանքը, սնունդը, այդ թվում՝ Ապրիլյան պատերազմի ժամանակ բանակ ուղարկված օգնություն։ Մանվել Գրիգորյանին մեղադրանք է առաջադրված ՀՀ քրեական օրենսգրքի 235-րդ հոդվածի 2-րդ մասով՝ ապօրինի կերպով ռազմամթերք ձեռք բերելու և այլ անձանց հետ նախնական համաձայնությամբ պահելու համար, ինչպես նաև ՀՀ քրեական օրենսգրքի 179-րդ հոդվածի 3-րդ մասի 1-ին կետով՝ մի խումբ անձանց հետ նախնական համաձայնությամբ յուրացման եղանակով իր վստահությանը հանձնված առանձնապես խոշոր չափերով ուրիշի գույք հափշտակելու համար: Հղումներ թեմայով. Ուշագրավ Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամփոփվել են միասնական քննությունների առաջին փուլի արդյունքները Ամենաընթերցվողը բաժնում | Լավրովը «լկտի» և «անպատկառ» է անվանել ԱՄՆ և ԵՄ գործողությունները, որոնք ուզում են «ՀՀ–ին պոկել Ռուսաստանից» Նա նաև ասել է, որ ՌԴ–ն ու ՀՀ–ն նախկինի պես դաշնակիցներ են Պետդեպն ապատեղեկատվություն է անվանել Բրյուսելում ՀՀ-ի հետ ռազմական փաստաթուղթ ստորագրելու մասին պնդումները Նշել է, որ անվտանգային հարցեր օրակարգում չեն եղել PROFAL ընկերությունն անակնկալ է մատուցել իր 30,000-րդ հաճախորդին Էդգար Ավետիսյանը նշել է՝ ընկերության հաջողությունների հիմքում նաև հաճախորդներն են Երևանում կբացվի քանդակագործ Մկրտիչ Մազմանյանի ցուցահանդեսը՝ նվիրված Ազնավուրին Բացման օրը տեղի կունենա նաև քանդակագործի աշխատանքներին ու ստեղծագործական կյանքին նվիրված գրքի շնորհանդեսը |