Երևանի մանկապարտեզների աշխատակիցների աշխատավարձերը 20%-ով կբարձրանան: Այդ մասին հայտարարել է Երևանի քաղաքապետ Հայկ Մարությանը լրագրողների հետ զրույցում:
Նա վստահեցրել է. «Երևի կկարողանանք մարտից կամ ապրիլից դա իրականացնել: Դուրս են մնալու առայժմ տնօրեններն ու փոխտնօրենները, առայժմ», գրում է «Առավոտը»:
Քաղաքապետը նաև նշել է, որ, որ մանկապարտեզների աշխատակիցների աշխատավարձը հիմա միջինը 70-80 հազար դրամ է:
Քաղապետը հայտնել է նաև, որ Երևանի բնակիչներն առաջիկայում հնարավորություն կունենան քաղաքապետարան ներկայացնել ծրագիր-առաջարկներ, որոնք կֆինանսավորվեն քաղաքային բյուջեից: Այդ նպատակով այս տարի բյուջեում կներառվի և կհատկացվի 1 մլն ԱՄՆ դոլարին համարժեք ՀՀ դրամ: