Էդվարդ Նալբանդյանն ու Քոնդոլիզա Ռայսն ընդգծել են, որ Ղարաբաղի խնդիրը կարող է լուծվել միայն խաղաղ ճանապարհով15 հուլիսի 2008 - 13:34 AMT PanARMENIAN.Net - Հուլիսի 14-ին ՀՀ ԱԳ նախարար Էդվարդ Նալբանդյանը հանդիպեց ԱՄՆ Պետքարտուղար Քոնդոլիզա Ռայսի հետ: Հանդիպման սկզբում նախարար Նալբանդյանն ասաց, որ Հայաստանը կարեւորում է Ամերիկայի Միացյալ Նահանագների հետ բազմաբովանդակ հարաբերությունների խորացումը եւ հետամուտ է լինելու երկու երկրների բարեկամական գործընկերության զարգացմանն ու ամրապնդմանը եւ համագործակցության սերտացմանը: Ինչպես PanARMENIAN.Net ի թղթակցին հաղորդեց ՀՀ ԱԳՆ մամուլի եւ հասարակայնության հետ կապերի բաժնի պետ Տիգրան Բալայանը, Հայաստանի եւ ԱՄՆ արտաքին քաղաքական գերատեսչությունների ղեկավարները նշեցին, որ հայ-ամերիկյան հարաբերությունների պատմությունը եւ ավանդույթները, առկա իրավա-պայմանագրային դաշտը, համագործակցության ընդլայման ուղղությամբ քաղաքական կամքի դրսեւորումը հնարավորություն են ընձեռում առավել զարգացնելու տարբեր բնագավառներում երկկողմ հարաբերությունները: Էդվարդ Նալբանդյանը բարձր գնահատեց ԱՄՆ կառավարության կողմից Հայաստանի տնտեսության տարբեր ճյուղերի զարգացմանն ուղղված ծրագրերը, Հայաստանի անկախությունից ի վեր ԱՄՆ կողմից հատկացված մոտ 1.9 մլրդ դոլարի հասնող աջակցությունը:Զրուցակիցները քննարկեցին Լեռնային Ղարաբաղի հիմնախնդրի կարգավորման բանակցությունների վերջին զարգացումները: Այս առումով նշվեց, որ խնդիրը կարող է լուծվել միմիայն խաղաղ բանակցությունների միջոցով, որոնք ընթանում են ԵԱՀԿ Մինսկի Խմբի շրջանակներում: Երկուստեք բարձր գնահատական տրվեց Մինսկի խմբի համանախագահների գործադրած ջանքերին, կարեւորվեց բանակցությունների շարունակումը 2007 թ. մադրիդյան առաջարկությունների հիման վրա, որոնք հնարավորություն են ստեղծում առաջընթաց արձանագրել խաղաղ գործընթացում: Անդրադառնալով հայ-թուրքական հարաբերությունների կարգավորման հեռանկարին, նախարար Նալբանդյանը վերահաստատեց Հայաստանի պատրաստակամությունը առանց նախապայմանների դիվանագիտական հարաբերություններ հաստատելու եւ հայ-թուրքական սահմանը բացելու վերաբերյալ, ինչպես նաեւ տեղեկացրեց այդ ուղղությամբ Հայաստանի կողմից ձեռնարկվող քայլերի մասին: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Շվեյցարացի պատգամավոր․ Սահմանային հարցերը պետք է լուծել, որ Բաքվի կողմից հարձակվելու պատրվակ չդառնան «Խավիարային դիվանագիտությունն» այժմ ճանաչված տերմին է, ցավոք, դա հաջողվում է»,–ասել է նա Փաշինյան․ Ժամանակն է Բաքվի հետ ձեռք բերված համաձայնությունները ներառել խաղաղության պայմանագրում և ստորագրել Նա անդրադարձել է նաև հայկական «Խաղաղության խաչմերուկ» նախագծին ՊՆ․ ԳՇ պետ Ասրյանը բացառապես ՀՀ քաղաքացի է, իսկ նրա կինը՝ ազգությամբ ռուս Նշվում է նաև, որ ԳՇ պետի որդին զինապարտ է և ներգրավված է ՀՀ ԶՈւ 2024 թվականի զորակոչային միջոցառումներին Երևանում բոլոր 63 բերման ենթարկվածներն ազատ են արձակվել Բերման էր ենթարկվել 63 ցուցարար |