Շոյգուն շնորհակալ է ՀՀ-ին Սիրիային հումանիտար աջակցության համար

Շոյգուն շնորհակալ է ՀՀ-ին Սիրիային հումանիտար աջակցության համար

PanARMENIAN.Net - ՌԴ պաշտպանության նախարար Սերգեյ Շոյգուն շնորհակալություն է հայտնել ՀՀ պաշտպանության նախարար Դավիթ Տոնոյանին Սիրիային հումանիտար աջակցությանը մասնակցելու համար: Այդ մասին նա ասել է Մոսկվայում կայացած հանդիպմանը:

«Կցանկանայի երախտագիտություն հայտնել Սիրիային հումանիտար աջակցության համար: Դուք առաջինն արձագանքեցիք Սիրիայի ժողվորդին օգնելու մեր կոչին»,-ասել է Շոյգուն: Նա նշել է, որ դա հատկապես կարևոր է սիրիացի երեխաների համար, որոնք վաղուց զուրկ են խաղաղ կյանքից և արդեն 5-6 տարի է դպրոց չեն գնում, հայտնում է ՏԱՍՍ-ը:

«Դա զգալի ավանդ կլինի Սիրիայում բնականոն կյանքի հաստատման գործում»,-ասել է ռուս նախարարը: Տոնոյանն իր հերթին շնորհակալություն է հայտնել ռուսական կողմին Սիրիային հումանիտար աջակցության կազմակերպման համար:

Տոնոյանն ասել է, որ ՌԴ գործունեությունը Սիրիայում նպաստում է երկրի հետպատերազմյան վերականգնմանը: «Ես կարծում եմ, որ ձեր մասնակցությունը հումանիտար գործողությանը շատ կարևոր է: Կարևոր է աջակցությունը Սիրիայի ժողովրդին, որի մի մասն է նաև հայ համայնքը»,-ասել է Տոնոյանը:

Սիրիայի ժողովրդին մարդասիրական մասնագիտական օժանդակություն ցուցաբերելու նպատակով փետրվարի 8-ին, հումանիտար ականազերծողներից, բժիշկներից և նրանց անմիջական անվտանգությունն ապահովող հայ մասնագետներից բաղկացած խումբը (ընդհանուր՝ 83 անձ) ժամանել է Սիրիա, Հալեպ:

 Ուշագրավ
Վրաց-թուրքական հարաբերությունների ներկա վիճակը դրական է գնահատել հարցվածների 73%-ը, իսկ վրաց-ադրբեջանականինը՝ 66%-ը
«Մեզ ավելի քան 1 մլն դեղաչափ է հարկավոր»,-ասել է Փաշինյանը։
Արարողության մասնակիցները ծանոթացել են նոր զորամասի պայմաններին
Նա հավաստիացրել է, որ Մոսկվան պահպանում է կապը կողմերի հետ յուրաքանչյուր կոնկրետ դեպքի վերաբերյալ